नोकरदारांना सरकार कडून मिळेल दिलासा; PF वरील टॅक्स सूट मध्ये वाढ होण्याची शक्यता

By

-

Sunday, 23 January 2022, 4:32

नवी दिल्ली । अर्थमंत्री निर्मला सीतारामन 1 फेब्रुवारी रोजी 2022-23 चा अर्थसंकल्प सादर करतील तेव्हा सर्वांच्या नजरा नोकरदारांवर असणार आहेत. सरकार या वर्गाला इन्कम टॅक्समध्ये मोठी सूट देऊ शकते आणि PF वरील कर सवलतीची मर्यादा दुप्पट करू शकते, अशी अपेक्षा आहे.

सध्या, भविष्य निर्वाह निधी (PF) मध्ये वार्षिक 2.5 लाख रुपयांपर्यंतच्या योगदानावरच टॅक्स सूट उपलब्ध आहे. कर्मचाऱ्यांच्या सामाजिक सुरक्षेचा हा सर्वात महत्त्वाचा पर्याय मानला जात असल्याने सरकार ही मर्यादा वाढविण्याचा विचार करू शकते. हा मुद्दा प्री-अर्थसंकल्पीय चर्चेतही मांडण्यात आला होता, ज्यामध्ये सरकारी कर्मचारी तसेच खाजगी क्षेत्रातील कर्मचाऱ्यांना 5 लाखांपर्यंतच्या PF योगदानावर टॅक्स सूट देण्याबाबत सांगण्यात आले आहे.

विविध मंत्रालये आणि विभागांसोबत झालेल्या बैठकीत असे सांगण्यात आले की, खाजगी क्षेत्रातील कर्मचाऱ्यांचे संपूर्ण PF योगदान त्यांच्या कॉस्ट-टू-कंपनीचा (CTC) भाग आहे. त्यात नियोक्त्याने जमा केलेल्या पैशांचाही समावेश आहे. त्यामुळे खासगी क्षेत्रातील नोकरदारांनाही 5 लाखांपर्यंतच्या करमाफीची सवलत देण्यात यावी.

गेल्या वर्षी ही मर्यादा निश्चित करण्यात आली होती
सरकारने अर्थसंकल्प 2021 मध्ये PF योगदानावरील इन्कम टॅक्स सूट मर्यादा 2.5 लाख रुपये ठेवली होती. मात्र, नंतर ती वाढवून 5 लाख करण्यात आली, त्याचा लाभ केवळ GPF अंशदानावर म्हणजेच सरकारी कर्मचाऱ्यांना मिळणार होता. सरकारच्या या कृतीवर तज्ज्ञांनी जोरदार टीका केली आणि याला समानतेच्या हक्कांच्या विरोधात म्हटले.

ही अट सूट देऊन ठरवली जाईल
करविषयक बाबींचे तज्ज्ञ बलवंत जैन म्हणतात की,”सरकार अर्थसंकल्पात PF वरील कर सवलतीची मर्यादा वाढवण्याबरोबरच अट निश्चित करू शकते. या अंतर्गत, नियोक्त्याने योगदान दिले नाही तरच 5 लाखांपर्यंतच्या योगदानावर इन्कम टॅक्स सूट दिली जाईल. जर कर्मचार्‍याच्या PF मध्ये नियोक्त्याने देखील योगदान दिले असेल तर इन्कम टॅक्स सवलत मर्यादा फक्त 2.5 लाख रुपये राहील. हे असे होईल कारण, जर कर्मचारी 2.5 लाख योगदान देत असेल, तर त्याचा नियोक्ता देखील तीच रक्कम PF खात्यात टाकेल आणि एकत्रितपणे 5 लाखांची मर्यादा पूर्ण केली जाईल.

“तलवार आजही आमच्या हातात आहे हे लक्षात ठेवा,”; राऊतांचा MIM ला इशारा

By

Santosh Gurav

-

Sunday, 23 January 2022, 4:18

हॅलो महाराष्ट्र ऑनलाईन । औरंगाबाद शहरात महाराणा प्रताप यांच्या पुतळा उभारण्यावरून वाद सुरु झाला आहे. पुतळा उभारण्यास एमआयएमचे खासदार इम्तियाज जलील यांनी विरोध केला असल्याने शिवसेना खासदार संजय राऊत यांनी आज याप्रकरणी इशारा दिला. “छत्रपती शिवाजी महाराज या देशाच्या शौर्याचे, राष्ट्रभक्तीचे, राष्ट्रवादाचे प्रतिक आहे. मोगलांविरुद्ध, आक्रमण कर्त्यांविरोधात त्यांची तलवार चालली, त्यांची तलवार आजही आमच्या हातात आहे हे लक्षात ठेवा,” असा इशारा राऊत यांनी यावेळी दिला.

संजय राऊत यांनी माध्यमाशी संवाद साधला. यावेळी की, औरंगाबाद शहरात महाराणा प्रताप यांच्या पुतळा उभारण्याच्या निर्णयाला एमआयएमचा विरोध कशासाठी? महाराणा प्रताप, छत्रपती शिवाजी महाराज या देशाच्या शौर्याचे , राष्ट्रभक्तीचे , राष्ट्रवादाचे प्रतिक आहे.

त्यांनी मोगलांविरुद्ध, आक्रमकर्त्यांविरोधात त्यांची तलवार चालली. त्यांनी हिंदूंचे रक्षण केले. हिंदू महिलांना संरक्षण दिले आणि हिंदू मंदिरांचे रक्षण केले म्हणून जर कोणी महाराणा प्रताप, छत्रपती शिवाजी महाराज यांना विरोध करत असेल तर त्यांची तलवार आजही आमच्या हातात आहे हे लक्षात ठेवा,” असा इशारा राऊत यांनी यावेळी दिला.

दुहेरी हत्याकांड ! धारदार शस्त्राने वृद्ध जोडप्याची निर्घृण हत्या

By

Akshay Patil

-

Sunday, 23 January 2022, 4:17

ठाणे : हॅलो महाराष्ट्र – भिवंडी तालुक्यातील तीर्थक्षेत्र वज्रेश्वरी जवळील अंबाडी रस्त्यावर असणाऱ्या पेंढरी पाडा या ठिकाणी एक धक्कादायक घटना उघडकीस आली आहे. यामध्ये एका वृद्ध दांपत्याची धारधार शस्त्राने निर्घुणपणे हत्या करण्यात आली आहे. जगन्नाथ पाटील आणि सत्यभामा पाटील असे या वृद्ध पती पत्नींची नावे आहेत. हे दोघेही वज्रेश्वरीजवळ अंबाडी रस्त्यालगत आपल्या घरात दोघेच शेती करून राहत होते. या दांपत्याची तीस एकारपेक्षा जास्त जमीन असून त्यांनी शेताजवळ एक तलावसुद्धा काढला आहे. हि घटना शुक्रवारी संध्याकाळी घडली आहे.

दुसऱ्या दिवशी सकाळी सदर पती पत्नी अजून बाहेर कसे आले नाही हे बघण्यासाठी घराजवळ असलेल्या घरातील एका मुलाने खिडकीतून पाहिले असता हे दोघे पती पत्नी रक्ताच्या थाळोऱ्यात आढळून आले. यानंतर स्थानिकांनी या घटनेची माहिती पोलिसांना दिली. मृत महिलेच्या अंगावर दागिने तसेच असल्यामुळे हि हत्या चोरीच्या उद्देशाने केली नसल्याचे प्रथमदर्शनी दिसत आहे. त्यामुळे या वृद्ध दांपत्याचा खून नेमका कोणत्या कारणामुळे करण्यात आला याचा शोध पोलीस घेत आहेत.

या वृद्ध दांपत्याला दोन मुले असून ते बाहेर वास्तव्यास आहेत तर काही नातेवाईकांशी त्यांचा जमिनीच्या कारणावरून वाद सुरु होता. तसेच या दोघा पती पत्नींची काही महिन्यांपूर्वी मुंबई वडोदरा या महामार्गामध्ये त्यांची जागा गेली होती त्यामुळे त्यांना त्याची मोठी रक्कम मिळाली होती अशी माहिती नातेवाईकांकडून देण्यात आली आहे. या प्रकरणी पोलिसांनी एकाला ताब्यात घेतले आहे. गणेशपुरी पोलीस आणि गुन्हे अन्वेषण शाखा ठाणे हे या प्रकरणाचा अधिक तपास करत आहेत अशी माहिती सहाय्यक पोलीस निरीक्षक सुनील जाधव यांनी दिली आहे.

भारतात ओमिक्रॉन कम्युनिटी स्प्रेडच्या पातळीवर पोहोचला – INSACOG चा दावा

By

Akshay Patil

-

Sunday, 23 January 2022, 3:50

नवी दिल्ली । भारतीय SARS-CoV-2 Genomic Consortium (INSACOG) ने आपल्या ताज्या बुलेटिनमध्ये म्हटले आहे की,” भारतात Omicron व्हेरिएन्ट कम्युनिटी स्प्रेडच्या टप्प्यावर आहे आणि महानगरांमध्ये जेथे कोविड-19 प्रकरणांमध्ये झपाट्याने वाढ होत आहे तिथे तो आणखी वेगाने पसरू पहात आहे.” कोविड-19 च्या जीनोम सिक्वेन्सिंगचे विश्लेषण करण्यासाठी सरकार-निर्मित गट ‘INSACOG’ ने असेही म्हटले आहे की,” देशात Omicron चे संसर्गजन्य सब-फॉर्म Ba.2 ची उपस्थिती आढळून आली आहे.”

या गटाने रविवारी प्रसिद्ध केलेल्या 10 जानेवारीच्या बुलेटिनमध्ये म्हटले आहे की,”आतापर्यंत नोंदवलेल्या बहुतेक ओमिक्रॉन व्हेरिएन्टमध्ये, रुग्णाला एकतर संसर्गाची चिन्हे दिसली नाहीत किंवा सौम्य लक्षणे दिसली आहेत.” सध्याच्या लाटेत हॉस्पिटल आणि इंटेन्सिव्ह केअर युनिट (ICU) मधील प्रवेश वाढले आहेत. मात्र धोक्याच्या पातळीत बदल झालेला नाही.

असे म्हटले जाते की, Omicron आता भारतात कम्युनिटी स्प्रेडच्या पातळीवर आहे आणि विविध महानगरांमध्ये ते प्रबळ झाले आहे जेथे नवीन प्रकरणे वेगाने वाढत आहेत. ba.2 उपप्रकाराची उपस्थिती आढळून आली आहे आणि त्यामुळे एस जीन ड्रॉपआउट आधारित स्क्रीनिंग दरम्यान संसर्ग आढळून न येण्याची उच्च शक्यता आहे.

विषाणूच्या अनुवांशिक भिन्नतेने तयार केलेले एस-जीन हे ओमिक्रॉन फॉर्मसारखेच आहे. नुकत्याच समोर आलेल्या B.1.640.2 वंशाचे निरीक्षण केले जात आहे. त्याचा जलद प्रसार झाल्याचा कोणताही पुरावा नाही. रोग प्रतिकारशक्तीमध्ये त्याच्या प्रवेशाची शक्यता आहे, मात्र या क्षणी तरी तो चिंताजनक व्हेरिएन्ट नाही. आतापर्यंत भारतात असे एकही प्रकरण आढळून आलेले नाही.

रविवारी जारी झालेल्या समूहाच्या 3 जानेवारीच्या बुलेटिनमध्ये म्हटले आहे की,” ओमिक्रॉन आता भारतातील कम्युनिटी स्प्रेडच्या पातळीवर आहे आणि दिल्ली आणि मुंबईमध्ये त्याचे वर्चस्व आहे, जिथे नवीन प्रकरणे वेगाने वाढत आहेत. भारतात ओमिक्रॉनचा प्रसार यापुढे परदेशी प्रवाशांद्वारे शक्य नाही तर देशातच होऊ शकतो, असे सांगण्यात आले आहे. संसर्गाच्या प्रसाराच्या बदलत्या परिस्थितीच्या पार्श्वभूमीवर, INSACOG येथे नमुने गोळा करणे आणि अनुक्रम धोरण सुधारित करण्याचे काम केले जात आहे.

आयपीएलचे आयोजन भारतातच; मुंबई- पुण्यात सामने होण्याची शक्यता

By

Akshay Patil

-

Sunday, 23 January 2022, 3:47

हॅलो महाराष्ट्र ऑनलाइन | इंडियन प्रीमिअर लीग म्हणजेच आयपीएल २०२२ भारतातच होणार असून महाराष्ट्रात हे सामने खेळवण्याचा बीसीसीआय चा विचार सुरु आहे. मुंबई आणि पुणे शहरातील ४ क्रिकेट मैदानावर आयपीएलचे सामने होऊ शकतात. यांचा आयपीएलमध्ये एकूण 10 टीम्स खेळणार आहे. लखनऊ आणि अहमदाबाद हे दोन नवे संघ आहेत.

मुंबईचं वानखेडे स्टेडियम, त्याच्या जवळच असलेलं ब्रेबॉर्न स्टेडियम, नवी मुंबईतील डी.वाय.पाटील आणि पुणे गहुजे येथे असलेलं महाराष्ट्र क्रिकेट असोशिएशनचं स्टेडियम या चार मैदानांवर संपूर्ण IPL चा सीजन खेळवण्याचा BCCI चा विचार आहे. त्याबाबतची माहिती एका वरिष्ठ अधिकाऱ्याने एएनआय ला दिली .

#IPL2022 will be held in India without a crowd. Likely venues are Wankhede Stadium, Cricket Club of India (CCI), DY Patil Stadium in Mumbai & Pune if needed: Top sources in BCCI to ANI

— ANI (@ANI) January 22, 2022

आयपीएल सामने महाराष्ट्रात घेण्याच्या संदर्भात पाच जानेवारीला बीसीसीआयचे अंतरीम CEO व आयपीएलचे चीफ ऑपरेटींग ऑफिसर हेमांग अमीन यांनी मुंबई क्रिकेट असोशिएशनचे अध्यक्ष विजय पाटील यांची भेट घेतली. त्यानंतर अमीन आणि पाटील यांनी राष्ट्रवादी काँग्रेसचे अध्यक्ष शरद पवार यांची त्यांच्या निवासस्थानी भेट घेतली. बीसीसीआयच्या प्रस्तावाला शरद पवारांनी हिरवा कंदिल होता

बागडे नाना- सत्तारांच्या खेळीला यश; औरंगाबाद जिल्हा दुध संघावर सेना-भाजपचा झेंडा

By

Adarsh Patil

-

Sunday, 23 January 2022, 3:43

औरंगाबाद – औरंगाबाद जिल्हा सहकारी दूध उत्पादक संघाच्या निवडणूकीकडे साऱ्या जिल्ह्याचे लक्ष लागून राहिले होते. निकालानंतर शिवसेना-भाजप युतीने विजय मिळवत युतीचा झेंडा फडकविला आहे. अब्दुल सत्तार आणि हरिभाऊ बागडे गटाने 14 पैकी 14 जागा जिंकत शिवसेना-भाजप गट विजयी झाला. तर विरोधी छुप्या कॉंग्रेस गटाचा सुफडासाफ झाला आहे. दूध संघाच्या निवडणुकीत शंभर टक्के मतदान झाले होते.

राज्यातील सेना-भाजप युतीसाठी आग्रही असलेल्या अब्दुल सत्तार यांनी भाजपला सोबत घेऊन दूध संघावर आपली सत्ता आणली आहे. औरंगाबाद तालुका मतदार संघातून संघाचे अध्यक्ष आमदार हरिभाऊ बागडे यांच्या विरूद्ध कॉंग्रेसचे सुरेश पठाडे यांचा अर्ज कायम राहिल्यामुळे ही निवडणूक प्रतिष्ठेची मानली जात होती.

औरंगाबाद जिल्हा सहकारी दूध उत्पादक संघाच्या निवडणुकीत महिलांच्या राखीव मतदार संघातील दोन जागांसाठीही निवडणूक प्रतिष्ठेची झाली होती. आमदार हरिभाऊ बगाडे यांच्या पॅनलच्या अलका डोणगावकर आणि शीलाबाई कोळगे यांची लढत शारदा गीते आणि रुक्मिणीबाई सोनवणे यांच्यात झाली होती.

सेन्सेक्समधील टॉप 10 कंपन्यांची मार्केट कॅप 2.53 लाख कोटी रुपयांनी घटली, जाणून घ्या बाजाराची स्थिती

By

Akshay Patil

-

Sunday, 23 January 2022, 3:36

मुंबई । गेल्या आठवड्यात सेन्सेक्समधील टॉप 10 कंपन्यांच्या मार्केट कॅपमध्ये एकत्रितपणे 2.53 लाख कोटी रुपयांची घसरण झाली. या कालावधीत जागतिक बाजारातील मोठ्या घसरणीमुळे स्थानिक बाजारांवरही विक्रीचा प्रचंड दबाव होता. विदेशी पोर्टफोलिओ गुंतवणूकदारांनी (FPIs) मोठ्या कंपन्या आणि काही निवडक मध्यम आकाराच्या कंपन्यांच्या शेअर्स मध्ये नफा कमी केल्याने 30 शेअर्सचा BSE सेन्सेक्स साप्ताहिक आधारावर जवळपास चार टक्क्यांनी घसरला.

गेल्या आठवड्यात सेन्सेक्स 2,185.85 अंकांनी किंवा 3.57 टक्क्यांनी घसरला. दुसरीकडे, राष्ट्रीय शेअर बाजाराचा निफ्टी 638.60 अंकांनी किंवा 3.49 टक्क्यांनी घसरला. शेअर बाजारातील तीव्र घसरणीमुळे देशातील प्रमुख 10 कंपन्यांची मार्केट कॅप एकत्रितपणे 2,53,394.63 कोटी रुपयांनी घसरली. रिपोर्टिंग वीकमध्ये रिलायन्स इंडस्ट्रीजची मार्केट कॅप 40,974.25 कोटी रुपयांनी घसरून 16,76,291.69 कोटी रुपये झाली.

आयटी कंपन्यांचे नुकसान
माहिती तंत्रज्ञान कंपन्या टाटा कन्सल्टन्सी सर्व्हिसेस (TCS) आणि इन्फोसिस यांना एकत्रितपणे 1,09,498.10 कोटी रुपयांचे नुकसान झाले आहे. टीसीएसची मार्केट कॅप 14,18,530.72 कोटी रुपयांवर घसरली. इन्फोसिसची मार्केट कॅप 7,51,144.40 कोटी रुपयांवर आली.

बँकाही पडल्या
त्याच वेळी, देशातील आघाडीच्या बँका, एचडीएफसी बँक, आयसीआयसीआय बँक आणि स्टेट बँक ऑफ इंडिया यांची मार्केट कॅप एकत्रितपणे 29,239.04 कोटी रुपयांनी खाली आली. HDFC बँकेची मार्केट कॅप 13,563.15 कोटी रुपयांनी घसरून 8,42,876.13 कोटी रुपये झाली.

SBI ची मार्केट कॅप 4,863.91 कोटी रुपयांनी घसरून 4,48,729.47 कोटी रुपये आणि ICICI बँकेची मार्केट कॅप 10,811.98 कोटी रुपयांनी घसरून 5,58,699.39 कोटी रुपये झाला. हिंदुस्तान युनिलिव्हरची मार्केट कॅप 9,938.77 कोटी रुपयांनी घसरून 5,45,622.08 कोटी रुपये तर बजाज फायनान्सची मार्केट कॅप 27,653.67 कोटी रुपयांनी घसरून 4,45,033.13 कोटी रुपयांवर आली.

भारती एअरटेलच्या मार्केट कॅपमध्येही घट झाली आहे
HDFC ची मार्केट कॅप 22,003.75 कोटी रुपयांनी घसरून 4,69,422.38 कोटी रुपये झाले. दूरसंचार क्षेत्रातील प्रमुख भारती एअरटेलची मार्केट कॅप 14,087.05 कोटी रुपयांनी घसरून 3,81,723.36 कोटी रुपयांवर आली आहे.

टॉप 10 कंपन्यांच्या लिस्टमध्ये रिलायन्स इंडस्ट्रीज पहिल्या स्थानावर आहे. त्यानंतर अनुक्रमे टीसीएस, एचडीएफसी बँक, इन्फोसिस, आयसीआयसीआय बँक, हिंदुस्थान युनिलिव्हर, एचडीएफसी, एसबीआय, बजाज फायनान्स आणि भारती एअरटेल यांचा क्रमांक लागतो.

सावधान! क्रेडिट कार्डचा EMI वेळेवर भरूनही स्कोर खराब होतोय; ‘हे’ असू शकते कारण

By

Akshay Patil

-

Sunday, 23 January 2022, 3:33

नवी दिल्ली । सध्याच्या काळात प्रत्येक व्यक्तीसाठी क्रेडिट स्कोअरचे महत्त्व वाढले आहे. यावरूनच तुम्हाला किती व्याजदरावर किती कर्ज मिळेल हे ठरते. जर तुमचा क्रेडिट स्कोअर कमी असेल तर बँका तुम्हाला कर्ज देणार नाहीत आणि त्यांनी दिले तरी ते जास्त व्याजाने मिळेल. कमी क्रेडिट स्कोअरची अनेक कारणे आहेत, त्यापैकीच एक क्रेडिट युटिलायझेशन रेशो आहे.

पैसा बाजारातून मिळालेल्या माहितीनुसार, अनेक वेळा क्रेडिट कार्डचा EMI आणि कर्जाचा हप्ता वेळेवर भरल्यानंतरही क्रेडिट स्कोअर कमी होतो. याचे मुख्य कारण म्हणजे जास्तीत जास्त क्रेडिट युटिलायझेशन रेशो 30 टक्क्यांपेक्षा जास्त आहे.

नकारात्मक संबंध
क्रेडिट युटिलायझेशन रेशो आणि क्रेडिट कार्ड स्कोअर यांच्यात नकारात्मक संबंध आहे. म्हणजेच, जसजसा क्रेडिटचा वापर वाढतो, क्रेडिट स्कोअर कमी होतो. विशेष म्हणजे क्रेडिट स्कोअरमध्ये त्याचा वाटा 30 टक्के आहे. त्यामुळे स्वस्त आणि सुलभ कर्ज मिळविण्यासाठी चांगला क्रेडिट स्कोअर असणे आवश्यक आहे.

अशा प्रकारे ठरवले जाते क्रेडिट युटिलायझेशन रेशो
हे तुमच्या क्रेडिट कार्डच्या एकूण मर्यादा आणि खर्चाचे प्रमाण आहे. चांगल्या क्रेडिट स्कोअरसाठी हे प्रमाण जास्तीत जास्त 30 टक्के असावे. यापेक्षा जास्त असता कामा नये. समजा, तुमच्या क्रेडिट कार्डची एकूण मर्यादा एक लाख रुपये आहे आणि तुम्ही दरमहा 25000 रुपये खर्च करत असाल, तर तुमचा क्रेडिट युटिलायझेशन 25 टक्के आहे.

जास्त खर्च केल्यास क्रेडिट लिमिट वाढवा किंवा दुसरे कार्ड घ्या
पैसा बाजार नुसार, हे प्रमाण 30 टक्क्यांच्या खाली ठेवा कारण तुमच्या क्रेडिट स्कोअरमध्ये क्रेडिट युटिलायझेशन महत्त्वाची भूमिका बजावते. तुमची क्रेडिट कार्ड मर्यादा वाढवा किंवा तुमच्या क्रेडिट कार्डचा खर्च जास्त असल्यास दुसऱ्या क्रेडिट कार्डसाठी अर्ज करा. तुम्ही यापेक्षा जास्त खर्च केला तरीही तुमचा क्रेडिट युटिलायझेशन रेशो चांगला होईल.

‘या’ कारणांमुळे खराब होतो क्रेडिट स्कोअर
>> जर तुम्ही कर्ज आणि क्रेडिट कार्डसाठी मर्यादित कालावधीत पुन्हा पुन्हा अर्ज करत असाल तर यामुळे तुमच्या क्रेडिट स्कोअरमध्येही घट होते.
>> जर तुम्ही तुमच्या गॅरंटीवर एखाद्याला कर्ज दिले आणि त्याने वेळेवर पेमेंट केले नाही तर त्याचा तुमच्या क्रेडिट स्कोअरवरही परिणाम होतो.
>> एक-दोन महिन्यात जास्त खर्च होत असल्यास क्रेडिट कार्डची मर्यादा वारंवार वाढवू नका. खर्च मध्यम ठेवणे चांगले.

माणुसकीला काळीमा ! खुन करून गळ्याला दोरी बांधून मृतदेह नेला फरफटत

By

Adarsh Patil

-

Sunday, 23 January 2022, 3:20

बीड – महिलेचा दगडाने ठेचून खून केल्यानंतर गळ्यात दोरी बांधून मृतदेह शंभर फुटांपर्यंत फरपटत नेला. माणुसकीला काळीमा फासणाऱ्या या घटनेचा थरार शुक्रवारी मध्यरात्री जिल्ह्यातील केज तालुक्यातील हंगेवाडी घडला. या खुनातील आरोपी मात्र अद्यापही फरार आहे. सखुबाई बन्सी शिंदे (60, रा. हंगेवाडी, ता. केज) असे मयत महिलेचे नाव आहे.

हंगेवाडी शिवारातील गायरानात काही पारधी कुटुंबे वास्तव्यास आहेत. या कुटुंबातील सखुबाई शिंदे यांचा दगडाने छिन्नविच्छिन्न केलेला मृतदेह काल सकाळच्या सुमारास आढळून आला. त्यांच्या गळ्यात दोरी आढळली शिवाय घटनास्थळी शंभर फुटांपर्यंत त्यांना फरपटत नेल्याच्या खुणा आढळून आल्या. यावरून त्यांची हत्या किती निर्घुणपणे झाली असेल, याचा अंदाज येईल. काल हा मृतदेह आढळला वरेकेज पोलिसांनी तात्काळ घटनास्थळी धाव घेतली.

घटनास्थळी सहाय्यक अधीक्षक पंकज कुमावत, केज पोलीस ठाण्याचे सहाय्यक निरीक्षक संतोष मिसळे, उपनिरीक्षक दादासाहेब सिद्ध यांनी भेट दिली. पंचनामा करून मृतदेह नांदुरघाट प्राथमिक आरोग्य केंद्रात उत्तरीय तपासणीसाठी पाठवण्यात आला आहे. या प्रकरणी काल रात्री उशिरापर्यंत केज पोलीस ठाण्यात गुन्हा नोंद होणे सुरू होते.

‘या’ 10 मार्गांनी ठरणार बाजाराची हालचाल, गुंतवणूकदारांनी पैसे गुंतवण्यापूर्वी जाणून घ्या

By

Akshay Patil

-

Sunday, 23 January 2022, 2:52

नवी दिल्ली । गेला आठवडा शेअर बाजारातील गुंतवणूकदारांसाठी दुःस्वप्नसारखा राहिला आहे. 21 जानेवारी रोजी संपलेल्या आठवड्यात, सेन्सेक्स 2,286 अंकांनी घसरला आणि निफ्टी 50 639 अंकांनी घसरला तर गुंतवणूकदारांचे 10 लाख कोटींहून जास्त रुपये बुडाले.

किंबहुना, जागतिक कारणांमुळे, गुंतवणूकदारांनी गेल्या आठवड्यात मोठा नफा बुक केला आणि बाजाराला मोठ्या साप्ताहिक घसरणीला सामोरे जावे लागले. सोमवारपासून सुरू होणाऱ्या आठवड्यात, 26 जानेवारी रोजी बाजार बंद होईल, मात्र उर्वरित चार दिवसांत पैसे गुंतवण्यापूर्वी, गुंतवणूकदारांनी बाजाराची नाडी समजून घेणे महत्त्वाचे आहे. अशी 10 प्रमुख कारणे आहेत जे पुढील आठवड्यात बाजाराची हालचाल ठरवू शकतात.

कंपन्यांची कमाई
या आठवड्यात, Axis Bank, Larsen & Toubro, Marico, Cipla, Maruti Suzuki, Dr Reddy’s, LIC Houseing, Kotak Mahindra Bank, Canara Bank, Central Bank of India, NTPC, PNB यांसह 36 कंपन्यांच्या तिमाहीचे निकाल येणार आहेत. कंपन्यांच्या शेअर्सची हालचालही त्यांच्या कामगिरीवरून ठरवली जाईल.

कोरोना विषाणू
कोविड-19 सह ओमिक्रॉन या नवीन व्हेरिएन्टच्या संसर्गाची प्रकरणे सातत्याने वाढत आहेत. देशभरातून दररोज तीन लाखांहून अधिक प्रकरणे समोर येत आहेत, त्यामुळे गुंतवणूकदारांमध्येही बाजाराची भीती आहे.

परदेशी गुंतवणूकदारांची वृत्ती
विदेशी गुंतवणूकदारांच्या (FII) गुंतवणुकीत सातत्याने घट होत आहे. जानेवारीमध्ये आतापर्यंत FII ने 15,563 कोटी रुपयांचे शेअर्स विकले आहेत, त्यापैकी 12,643 कोटी शेअर्स गेल्या आठवड्यात विकले गेले.

IPO
अदानी विल्मरचा IPO 27 जानेवारीला येणार आहे. याबाबत गुंतवणूकदारांमध्ये कमालीची उत्सुकता आहे, मात्र खरी परिस्थिती 8 फेब्रुवारीला लिस्ट होतानाच कळेल.

यूएस फेडरल रिझर्व्ह बैठक
26 जानेवारी रोजी होणाऱ्या यूएस फेडरल रिझर्व्हच्या बैठकीकडे जगभरातील गुंतवणूकदारांचे लक्ष असेल. यामध्ये व्याजदरात वाढ करण्याचा निर्णय घेतला जाऊ शकतो, ज्याचा परिणाम अमेरिकेसह सर्व शेअर बाजारांवर होतो.

कच्च्या तेलाच्या किंमती
गेल्या आठवड्यात कच्च्या तेलाच्या किंमती सात वर्षांच्या उच्चांकावर पोहोचल्या होत्या. येमेनच्या हौथी गटाच्या यूएईवरील हल्ल्यामुळे पुरवठा विस्कळीत झाला आहे.

निफ्टीमध्ये मोठी घसरण
गेल्या आठवड्यात बाजारात निफ्टी 17,700 च्या खाली घसरला, याला तज्ज्ञ नकारात्मक परिणाम मानत आहेत. असाच ट्रेंड असाच सुरू राहिल्यास पुढील आठवड्यात निफ्टी 17,350 पर्यंत खाली येऊ शकतो, असा अंदाज आहे.

F&O एक्‍सपायरी
बाजारातील फ्युचर्स आणि ऑप्शन्स ट्रेड 27 जानेवारी रोजी संपत आहे. याआधी गुंतवणूकदार पुन्हा एकदा नफा बुक करू शकतात, अशी भीती आहे.

कॉर्पोरेट इवेंट
एंजेल वन आणि डीसीएम श्रीरामसह सुमारे 10 कंपन्या पुढील आठवड्यात त्यांचा अंतरिम लाभांश जाहीर करतील. याशिवाय काही कंपन्यांची ईजीएम मिटिंगही आहे.

जागतिक घटक
अमेरिका, युरोप, चीन, जपान पुढील आठवड्यात पीएमआयसह इतर डेटा जारी करतील, ज्याचा परिणाम त्यांच्या देशांतर्गत बाजारपेठेसह जगभरात दिसून येईल.