येथे पैशांची गुंतवणूक करून लोकांनी एकाच दिवसात मिळवला दुप्पट नफा, कसा ते जाणून घ्या

हॅलो महाराष्ट्र । देशांतर्गत शेअर बाजारात लिस्टिंग केल्यावर आज Route Mobile च्या शेअर्समध्ये जोरदार वाढ पाहायला मिळाली. बॉम्बे स्टॉक एक्सचेंज (BSE) मध्ये लिस्टिंग नंतर कंपनीचे शेअर्स आज 105 टक्क्यांहून अधिक वाढून 725 रुपयांवर पोहोचले आहेत. त्याची इश्यू किंमत रुपये 350 रुपये निश्चित करण्यात आली. मात्र, दुपारी 12 च्या सुमारास Route Mobile चे शेअर्स 683 रुपयांवर होते. Route Mobile चा IPO ला 75 वेळा अधिक सब्सक्राइब केले गेले होते.

जोरदारपणे मिळाले सब्सक्रिप्शन
क्लाऊड कम्युनिकेशन्स सर्व्हिस प्रोव्हाईडर म्हणून काम करणार्‍या या कंपनीने पब्लिक ऑफरिंगखाली 600 कोटी रुपये उभे केले आहेत. या कंपनीच्या IPO साठी 89 कोटी शेअर्सची बीड प्राप्त झाली आहे, तर जारी केलेल्या शेअर्सची एकूण संख्या ही 1.21 कोटी आहे. किरकोळ गुंतवणूकदारांनी 12.85 वेळा स्टॉकची सब्सक्रिप्शन घेतली आहे, तर पात्र संस्थात्मक खरेदीदारांनी (क्यूआयबी) 91 वेळा सब्सक्राइब केले आहेत. संस्थात्मक गुंतवणूकदारांनी रूट मोबाईलवर 195.61 वेळा सब्सक्राइब केले.

या आठवड्यात आणखी तीन IPO येत आहेत
Route Mobile शेअर्सची लिस्टिंग अशा वेळी केली गेली आहे, जेव्हा अलीकडील काळात IPOचे लिस्टिंग विलक्षण झाले आहे. गेल्या आठवड्यातच Happiest Minds Technologies Ltd. चे शेअर्स लिस्टिंगच्या पहिल्याच दिवशी दुप्पट झाले. गेल्या दशकातील ही सर्वात यशस्वी लिस्टिंग मानली जाते. आता CAMS, केमकॉन केमिकल्स आणि एंजल ब्रोकिंगचेही IPO येत आहेत.

Route Mobile मधील फ्रेश इश्यू 240 कोटी रुपये आहेत आणि विक्रीची ऑफर 360 कोटी आहे. या ऑफरसाठी प्राइस रेंज 345-350 रुपयांपर्यंत आहे.

Route Mobile या जमववलेल्या निधीचा कसा वापर करेल?
या रकमेचा उपयोग कर्जाची परतफेड करण्यासाठी करणार असल्याचे कंपनीने म्हटले आहे. याशिवाय, अधिग्रहण आणि इतर धोरणात्मक उपक्रमांचा वापर मुंबईतील कार्यालये खरेदी करण्यासाठी आणि जनरल कॉर्पोरेट कार्यांसाठी देखील केला जाईल.

Route Mobile साठी मुख्य व्यवस्थापकांमध्ये आयसीआयसीआय सिक्युरिटीज, अॅक्सिस कॅपिटल, एडेलविस फायनान्सियल सर्व्हिसेस आणि आयडीबीआय कॅपिटल मार्केट्सचा समावेश आहे.

ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.

You might also like