तिरुवनंतपुरम । भारताच्या केरळ येथील प्रियांका राधाकृष्णन यांनी सोमवारी न्यूझीलंडमध्ये मंत्री म्हणून शपथ घेतली. न्यूझीलंडच्या मंत्रिमंडळात स्थान मिळवणाऱ्या त्या पहिल्या भारतीय आहेत. पंतप्रधान जॅकिंडा आर्डर्न यांनी आपले नवीन कॅबिनेट स्थापन केले असून त्यात प्रियांका राधाकृष्णन यांचा समावेश आहे. 41 वर्षीय राधाकृष्णन यांनी समुदाय आणि स्वयंसेवी क्षेत्रातील मंत्री म्हणून शपथ घेतली आहे. त्यांचा जन्म चेन्नईमध्ये झाला आणि त्या सिंगापूरमध्ये वाढल्या. त्यांचे आजोबा कोची येथे वैद्यकीय व्यावसायिक होते आणि कम्युनिस्ट देखील होते.
त्या अभ्यास करण्यासाठी न्यूझीलंडमध्ये आल्या होत्या आणि लेबर पार्टीच्या माध्यमातून 2004 पासून सक्रिय राजकारणात आहे. त्या ऑकलंडमधून दोनदा खासदार राहिल्या आहेत. शेवटच्या ओणमच्या निमित्ताने त्यांची आर्डर्न यांच्याबरोबर भेट झाली आणि त्यांनी या सणाला अभिवादन केले, त्यानंतर केरळमधील प्रत्येक घरात त्या परिचित झाल्या. राधाकृष्णन यांना मल्याळम गाणी आवडतात आणि त्यांचा आवडता गायक केरळचे लोकप्रिय गायक येसूदास हे आहेत.
गौरव शर्मा खासदार झाले
नुकतेच भारतीय खासदार न्यूझीलंडच्या संसदेत दाखल झाले आहेत. हिमाचल प्रदेशमधील रहिवासी असलेले डॉ. गौरव शर्मा यांना हॅमिल्टन मधून निवडणुक जिंकल्यानंतर खासदार होण्याचा मान मिळवला आहे. वयाच्या चौथ्या दशकात डॉ. शर्मा सुमारे 20 वर्षांपूर्वी न्यूझीलंडला गेले. मेडिसिन आणि सर्जरी या विषयात बॅचलर पदवी मिळवल्यानंतर स्वत: हून सराव करणाऱ्या शर्मा यांनी लेबर पार्टीच्या उमेदवारी घेऊन निवडणूक जिंकली. न्यूझीलंडच्या निवडणूक आयोगाच्या म्हणण्यानुसार शर्मा यांना एकूण 16,950 मते मिळाली आणि नॅशनल पक्षाचे उमेदवार टिम मासिंदो यांना 4425 मतांच्या फरकाने पराभूत केले.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.