ट्विटरची मोठी घोषणाः जर तुमचेही फॉलोअर्स असतील तर आता तुम्हाला दरमहा मिळवता येतील पैसे, कसे ते जाणून घ्या

नवी दिल्ली । जर आपण सोशल मीडिया प्लॅटफॉर्म ट्विटर वापरत असाल आणि आपले फाॅलोअर्स अधिक असतील तर आपल्यासाठी एक चांगली बातमी आहे. मायक्रो-ब्लॉगिंग साइट ट्विटर (Twitter), इन्स्टाग्राम (Instagram), यूट्यूब (YouTube) प्रमाणेच, आपल्या युझर्सना पैसे कमावण्याची संधी मिळेल. कंपनीने आज आपल्या युझर्ससाठी एक मोठी घोषणा केली आहे. ट्विटरने दोन नवीन फीचरची घोषणा केली आहे. या नवीन फीचरमुळे कंपनी आता युझर्सना पैसे कमवण्याची संधीही देणार आहे. कंपनीच्या घोषणेनुसार, आता युझर्सना त्यांच्या फाॅलोअर्सना अतिरिक्त कंटेन्ट दर्शविण्याची आणि ग्रुपवर आधारित विशेष कंटेन्ट तयार करण्याची आणि ग्रुपमध्ये सामील होण्याची सुविधा असेल.

दरमहा आपण किती पैसे कमवाल हे जाणून घ्या?
आंतरराष्ट्रीय वेबसाइट ‘The Verge’ च्या मते, यात एक सुपर फॉलो पेमेंट फीचर असेल ज्यामध्ये युझर्स त्यांच्या फाॅलोअर्सकडून अधिक कंटेन्ट मध्ये एन्ट्री देण्यासाठी पैसे घेण्यास सक्षम असतील. यात बोनस ट्विटस, कम्युनिटी ग्रुपध्ये प्रवेश, न्यूजलेटरची सदस्यता समाविष्ट आहे. ट्विटरने स्क्रीनशॉटद्वारे हे दाखविले आहे की, ट्विटर यूजर्स कंटेन्टद्वारे दरमहा 4.99 डॉलर कमवू शकतात. ट्विटरला आपल्या युझर्सना त्यांच्या चाहत्यांद्वारे कमाईचे साधन उपलब्ध करुन द्यायचे आहे. परंतु, या सुविधा केव्हा सुरू होतील याबद्दल काही सांगण्यात आलेले नाही.

फेसबुक, यूट्यूबनेही ही पेमेंट सर्व्हिस सुरू केली आहे
सध्या युझर्ससाठी डायरेक्ट पेमेंट टूल खूप महत्वाचे आहे. पॅटरियन देखील खूप यशस्वी झाले आहे. फेसबुक ते यूट्यूब आणि गिट हबसह इतर सोशल मीडिया प्लॅटफॉर्मवरही अशा प्रकारच्या पेमेंट सेवा सुरू करण्यात आल्या आहेत. आता ट्विटरही यात आपला सहभाग नोंदवणार आहे. तथापि, याबद्दल फारसे काही समोर आलेले नाही. कंपनीच्या म्हणण्यानुसार या सबस्क्रिप्शन फीचरमुळे कंपनीच्या रकमेतही वाढ होईल.

या फीचरला ‘कम्युनिटी’ असे म्हटले जाईल
ट्विटरने आपल्या नवीन फीचरचे नाव ‘कम्युनिटी’ असे ठेवले आहे. हे फेसबुक ग्रुपसारखेच असेल. यात, युझर्स त्यांच्या मनानुसार ग्रुप तयार करू शकतील आणि त्यात सामील होऊ शकतील. ट्विटर त्यांच्या पसंतीनुसार त्यांना अनेक ट्वीट दाखवेल. असे फेसबुक ग्रुप खूप यशस्वी ठरले आहे.

ट्विटर सीईओने बिटकॉइनमध्ये केली 17 कोटी डॉलर्सची गुंतवणूक
अलीकडेच ट्विटरचे मुख्य कार्यकारी अधिकारी जॅक डोर्सी (Jack Dorsey) यांचे क्रेडिट अँड पेमेंट्स फर्म स्क्वेअर (Square) ने बिटकॉइनमध्ये (Bitcoin) 170 कोटी डॉलर्सची गुंतवणूक केली आहे. हे क्रिप्टोकरन्सीमधील पूर्वीच्या गुंतवणूकीपेक्षा 3 पट जास्त आहे. कंपनीने आपल्या तिमाही कमाईच्या अहवालात म्हटले आहे की, त्यांनी सरासरी 51,236 च्या किंमतीवर अंदाजे 3,318 बिटकॉइन खरेदी केल्या आहेत.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.

You might also like