वृत्तसंस्था । देशातील कोरोनाचे वाढते रुग्ण हे एक संकट देशासमोर असतानाच आता उत्तराखंड मध्ये एक नवीनच संकट येऊन ठेपले आहे. यावर्षीच्या सुरुवातीपासून काही ठराविक अंतराने उत्तराखंडच्या विविध भागातील जंगलांमध्ये आग लागते आहे. वाहणाऱ्या वाऱ्यामुळे या आगीवर नियंत्रण मिळविणे कठीण होते आहे. त्यामुळे हळूहळू जंगले जळत आहेत. या जळणाऱ्या जंगलांचे फोटो सोशल मीडियावर चांगलेच व्हायरल होत आहेत. या आगीमुळे जंगलातले प्राणिजीवन ही विस्कळीत झाले असून जीव मुठीत घेऊन ते इतरत्र जात आहेत.
How many of you are aware that our Uttarakhand is burning for the last few days?
46 wildfire incidents, 51.34 hectares, 71.05 repository of herbs & wildlife diversity gutted. It’s sad to see so much wildlife destroyed.
Bdw 2020, what else?#UttarakhandForestFire@ParveenKaswan pic.twitter.com/mxnp2a5PM1
— Nausheen Khan (@DrNausheenKhan) May 26, 2020
आतापर्यंत या परिसरातील साधारण ४६ जंगले जळाली आहेत आणि त्यामध्ये एकूण ५१.३४ हेक्टर परिसर जळून खाक झाला आहे. राज्यातील केवळ कुमाऊ भागातील २१ जंगलांना आग लागली आहे. त्यानंतर गढवाल परिसरात १६ जंगले जळाली आहेत. याशिवाय ९ भागामध्ये रिजर्व जंगलामध्ये आग लागली आहे. अल्मोडा, बागेश्वर, नैनीताल, पौढी, चमोली, पिथोरगड, आणि डेहराडून अशा सर्वच जंगलांमध्ये आग लागली आहे. आतापर्यंत या आगीमुळे दोन व्यक्तींचा मृत्यू झाला आहे. एक व्यक्ती जखमी झाला आहे.
The fire broke out in Uttarakhand forest. 46 wildfire incidents in 2020. More than half of birds species & wildlife are in danger. Our Uttarakhand is burning for the last 4 days. 2020 is getting worst. ????#Uttarakhand #UttarakhandForestFire #wildlife pic.twitter.com/HuZZ7z3zyW
— Suman Bisht (@pahadi_suman) May 26, 2020
जंगलांमध्ये लागणाऱ्या या आगीमुळे मोठ्या प्रमाणात जंगलातील जैवविविधता नष्ट होण्याचीही भीती निर्माण झाली आहे. वनाधिकारी आग विझवण्यासाठी मोठ्या प्रमाणात प्रयत्न करीत आहेत. मात्र गेले काही दिवस आग थांबण्याचे नावच घेत नाही आहे. या आगीचे फोटो मोठ्या प्रमाणात सोशल मीडियावर व्हायरल होत आहेत. उत्तराखंडच्या जंगलातील ही अवस्था खूप वाईट असल्याचे दिसून येत आहे. लवकरच आग आटोक्यात आली नाही तर मोठ्या प्रमाणात नुकसान सहन करावे लागणार आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.