हॅलो बॉलिवूड ऑनलाईन। महाराष्ट्राची अत्यंत लोकप्रिय आणि बॉलिवूड जगतातील आघाडीची गायिका वैशाली माडे हिने एक नवी जबाबदारी खांद्यावर घेतली आहे. तिने नुकताच राष्ट्रवादी काँग्रेस पक्षात प्रवेश केला आहे, असे वृत्त समोर येत आहे. राष्ट्रवादीचे नेते आणि उपमुख्यमंत्री अजित पवार यांच्या उपस्थितीत तीने राष्ट्रवादीचे घड्याळ हाती घेतले आहे. त्यामुळे निश्चितच आता वैशाली बॉलिवूड नंतर राजकारणात सूर लावण्यासाठी सज्ज आहे. तिच्या प्रवेशानंतर राष्ट्रवादीच्या अनेक नेत्यांनी वैशालीचे स्वागत केले आहे. उपमुख्यमंत्री अजित पवार आणि मंत्री धनंजय मुंडेंनीही ट्विट करुन तिचे पक्षात स्वागत केले आहे. आता हे पाहणे अत्यंत उत्सुकतेचे आहे कि वैशालीच्या हा राष्ट्रवादीतील प्रवेश सूर लावण्यासाठी आहे का सुरुंग..
प्रसिद्ध गायिका वैशाली माडे यांनी आज उपमुख्यमंत्री ना. @AjitPawarSpeaks यांच्या उपस्थितीत @NCPspeaks मध्ये प्रवेश केला. खा. @supriya_sule यांच्या पुढाकाराने आणि सामाजिक न्याय मंत्री ना. @dhananjay_munde व सांस्कृतिक विभागाच्या पदाधिकाऱ्यांच्या उपस्थितीत हा पक्षप्रवेश झाला. pic.twitter.com/9xJ26UsTK0
— NCP (@NCPspeaks) June 3, 2021
मुंबईतील राष्ट्रवादी काँग्रेसच्या मुख्यालयात खासदार सुप्रिया सुळे यांच्या उपस्थित ३१ मार्च २०२१ रोजी गायिका वैशाली माडेचा पक्ष प्रवेश होणार असल्याचे यापूर्वी ठरले होते आणि अशी घोषणाही त्यांनी केली होती. मात्र, कोरोना महामारीचे संकट वाढल्यामुळे हा पक्षप्रवेश तेव्हा करणे अशक्य होते म्हणून हा कार्यक्रम पुढे ढकलण्यात आला होता. त्यानंतर, आज वैशालीने अधिकृतपणे राष्ट्रवादी काँग्रेस पक्षाचे सदस्यत्व स्विकारले आहे. यावेळी, सुप्रिया सुळे, धनंजय मुंडेंसह राष्ट्रवादीचे इतर मुख्य नेते व पदाधिकारी उपस्थित होते.
सुप्रसिद्ध गायिका वैशाली माडे यांचा राष्ट्रवादी चित्रपट व सांस्कृतिक विभागामध्ये प्रवेश तसंच त्यांची विदर्भ विभागाच्या अध्यक्ष पदी नियुक्ती झाल्याबद्दल मनःपूर्वक अभिनंदन! pic.twitter.com/fXevFShfZg
— Ajit Pawar (@AjitPawarSpeaks) June 3, 2021
वैशाली माडे ही विदर्भातील मूळ हिंगणाघाट येथील शेतकरी कुटुंबातून आहे. तिने हिंदी व मराठी भाषेतील अनेक चित्रपटांमध्ये पार्श्वगायन केले आहे. ‘बाजीराव मस्तानी’ या हिंदी चित्रपटातील ‘पिंगा’ हे तिने गायलेल्या गाण्यांपैकी एक प्रचंड गाजलेले गाणे आहे.
राष्ट्रवादी काँग्रेस पक्षात आपले स्वागत आणि पुढील कार्यास शुभेच्छा ! https://t.co/eUCBzwmvO3
— Dhananjay Munde (@dhananjay_munde) June 3, 2021
या गाण्यासाठी तिला अनेक पुरस्कारांनीदेखील गौरवण्यात आले आहे. तसेच तिने ‘कलंक’ या हिंदी चित्रपटातील ‘घर मोरे परदेसिया’ हे ही गाणे तोडीचे गेले आहे. मराठी चित्रपटांतही तिने अनेक अव्वल गाणी गायली आहेत. वैशाली मराठी व हिंदी दोन्ही ‘सारेगमप’ महासंग्रामांची विजेती आहे. दरम्यान, वैशाली ‘मराठी बिग बॉस’च्या दुसऱ्या पर्वात स्पर्धक म्हणून देखील सहभागी झाली होती.