हॅलो महाराष्ट्र ऑनलाईन । शिवसेना खासदार संजय राऊत यांनी आज ‘झुकेंगे नही.. जय महाराष्ट्र…’,असे ट्विट केले. त्यांच्या ट्विटला भाजप नेते तथा विरोधीपक्षनेते देवेंद्र फडणवीस यांनी उत्तर देत पलटवार केला आहे. सिह कधी गिधाडाला घाबरत नाही, असे फडणवीस यांनी म्हंटले आहे.
देवेंद्र फडणवीस यांनी आज गोवा येथे पत्रकार परिषद घेत माध्यमांशी संवाद साधला. यावेळी संजय राऊत यांनी केलेल्या ट्विटला उत्तर देताना फडणवीस म्हणाले की, सिंह कधी गिधाडाच्या धमक्यांना भीत नाही. त्यांना ज्या काही समस्या आहेत, त्यांनी त्या कोर्टात मांडव्यात, असे फडणवीस यांनी म्हंटले.
ईडी काय आणि का कारवाई करत आहे हे ते सांगेल. राऊत यांना ‘ईडी’ बद्दल ज्या काही तक्रारी आहे, त्यांनी त्या कोर्टात मांडाव्यात. संजय राऊत रोज सकाळी ९ वाजता येऊन सर्वांचे मनोरंजन करतात. यापेक्षा त्यांच्या वक्तव्याला अधिक महत्त्व देता येणार नाही, अशी टीका फडणवीस यांनी केली आहे.
