नवी दिल्ली । येस बँक (YES Bank) ने आपल्या ग्राहकांसाठी क्रेडिट कार्ड रिवॉर्ड प्रोग्राम (Credit Card Rewards Program) सुधारण्यासाठी नवीन फीचर्स (New Features) सादर केली आहेत. या अंतर्गत बँकेचे क्रेडिट कार्ड युझर्स त्यांचे रिवॉर्ड पॉइंट्स (Reward Points) त्यांच्या कुटुंबियांसह आणि मित्रांसह शेअर करू शकतात.ही सुविधा देणारी येस बँक पहिलीच भारतीय बँक (First Indian Bank) बनली आहे. सोप्या भाषेत समजून घ्यायचे असेल तर, जर तुम्ही येस बँकेचे ग्राहक असाल आणि सणासुदीच्या काळात तुम्ही खरेदी केल्यामुळे तुम्हाला रिवॉर्ड पॉइंट्स मिळाले असतील तर तुम्ही ते कोणालाही गिफ्ट करू शकता. या व्यतिरिक्त, आपण इच्छित असल्यास, आपण आपल्या थकबाकीसह (Outstanding) आपले रिवॉर्ड पॉइंट्स समायोजित (Adjustment) करू शकता.
या रिवॉर्ड प्रोग्राम अंतर्गत उपलब्ध असतील ‘या’ इतर सुविधा
येस बँकेच्या क्रेडिट कार्ड युझर्सना मिळालेले रिवॉर्ड पॉइंट्स कधीही एक्‍सपायर होणार नाहीत. त्याच वेळी, ग्राहक वॉलेटमध्ये (Wallet) रिवॉर्ड पॉइंट्स ट्रान्सफर करून विमा प्रीमियम (Insurance Premiums) भरू शकतात. या व्यतिरिक्त आपण येस रिवॉर्ड पॉइंट्सद्वारे फ्लाइटसची तिकीटे बुक केल्यास तुम्हाला कोणतेही सुविधा शुल्क (Convenience Fee) भरावे लागणार नाही. त्याचबरोबर जर या बँकेच्या ग्राहकांनी क्रेडिट कार्डच्या माध्यमातून प्रवास (Travel), कॅटरिंग (Dining) किंवा घरातील किराण्यासाठी (Grocery) पैसे भरले तर त्यांना आणखी रिवॉर्ड पॉइंट्स मिळतील.
रिवॉर्ड पॉइंट्स शेअर करण्यासाठी काही अटी आहेत
येस बँक ऑफ प्रायव्हेट सेक्टरमधील बिझिनेस हेड (क्रेडिट कार्ड्स) रजनीश प्रभू म्हणाले की आम्ही देशातील बँकिंग क्षेत्रात (Banking Sector) पहिल्यांदाच ग्राहकांसाठी हे फीचर्स लाँच केले आहेत. आम्हाला खात्री आहे की, हे फीचर्स आमच्यासाठी गेम चेंजर ठरू शकतील. तसेच, त्यांनी याद्वारे देशातील क्रेडिट कार्ड उद्योगात मोठे बदल होण्याची अपेक्षा व्यक्त केली आहे. त्यांनी हे स्पष्ट केले की, हे रिवॉर्ड पॉइंट्स फक्त येस बँक क्रेडिट कार्ड सदस्यांसह आणि स्पेशल कार्डासहच शेअर करता येतील. जुलै ते सप्टेंबर 2020 च्या तिमाहीत येस बँकेला 129 कोटी रुपयांचा नफा झाला आहे. गेल्या वर्षी याच तिमाहीत बँकेचे 600 कोटी रुपयांचे नुकसान झाले होते.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.