हॅलो महाराष्ट्र ऑनलाईन । पाकिस्तानचे पंतप्रधान इम्रान खान हे त्यांच्या खाजगी आयुष्यासाठी नेहमीच चर्चेत असतात. त्यांच्या विवाह आणि घटस्फोटाविषयीच्या बर्‍याच कथा प्रसिद्ध आहेत. आता एका पाकिस्तानी टीव्ही होस्टने त्याच्यावर गंभीर आरोप केले आहेत. होस्ट अली सलीम यांनी असा दावा केला आहे की, इम्रान खानला अमेरिकन महिला सिंथिया डी रिचीसोबत सेक्स करण्याची इच्छा होती. सिंथिया ही ब्लॉगर आहे आणि तिने दोनच दिवसांपूर्वी पाकिस्तानच्या अनेक माजी मंत्र्यांवर लैंगिक छळ आणि बलात्काराचा आरोप केला आहे.
इम्रान खानवर गंभीर आरोप
या टीव्ही होस्ट अली सलीमच्या म्हणण्यानुसार तो सिंथियाच्या अगदी जवळचा होता आणि त्याने तिच्याबरोबर एकरूम शेअर केली होती. दरम्यान, सिंथियाने एकदा त्यांना सांगितले की पाकिस्तानचे पंतप्रधान इम्रान खान यांना सिन्थियाबरोबर लैंगिक संबंध ठेवण्याची इच्छा आहे. मात्र, अलीने सिंथियाचे हे आरोप फेटाळून लावले, ज्यात तिने असे म्हटले आहे की पाकिस्तानचे मंत्री रहमान मलिक यांनी तिच्यावर बलात्कार केला.
‘पाकिस्तानी मंत्री बलात्कार करत असत’
सिंथियाने शुक्रवारी फेसबुक लाइव्ह केले होते. ज्यामध्ये तिने माजी गृहमंत्री असलेले रेहमान मलिक यांनी २०११ मध्ये आपल्यावर बलात्कार केल्याचा आरोप केला आहे. तसेच माजी पंतप्रधान युसूफ रझा गिलानी यांच्यवरही लैंगिक छळा केल्याचा आरोप केला आहे. त्यावेळी बेनझीर भुट्टो यांची पाकिस्तान पीपल्स पार्टी (पीपीपी) सत्तेत होती. तिने या घटनेची माहिती पाकिस्तानमधील अमेरिकी दूतावासाला दिली होती, असे सिंथियाने म्हटले आहे. परंतु याबाबत कोणतीही कारवाई झाली नाही. माजी पंतप्रधान गिलानी यांनी सिन्थियाचा हा आरोप फेटाळून लावला आहे.
सिंथिया कोण आहे?
सिंथियाला पाकिस्तान फारच आवडले होते. ती सुमारे १० वर्षे पाकिस्तानात राहिली. ती स्वत: एक साहसी, चित्रपट निर्माती असल्याचा दावा करते. पाकिस्तान पीपल्स पार्टीच्या नेत्यांशी तिचे चांगले आणि घनिष्ट संबंध होते. पण नंतर या नात्यात कटुता आली. पाकिस्तानी सोशल मीडिया अकाउंटवरून पाकिस्तान पीपल्स पार्टीच्या नेत्यांबद्दलचे वादग्रस्त फोटोही ती शेअर करत असते.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.
