Monday, January 30, 2023

“महाराष्ट्राला दरमहा कोरोना लसीच्या 3 कोटी डोसची आवश्यकता आहे” – राजेश टोपे

- Advertisement -

मुंबई । महाराष्ट्राचे आरोग्यमंत्री राजेश टोपे यांनी सोमवारी सांगितले की, कोरोना विषाणूचा प्रसार रोखण्यासाठी लवकरात लवकर राज्यातील संपूर्ण पात्रतेला लसीकरण करावयाचे असेल तर दर महिन्याला किमान तीन कोटी लसींची गरज भासणार आहे.

टोपे यांनी पीटीआयला सांगितले की,”राज्यात दररोज 15 लाख लोकांना लस देण्याची क्षमता आहे परंतु “लस नसल्यामुळे” एका दिवसात फक्त दोन किंवा तीन लाख लोकांनाच लस दिली जात आहे.”

- Advertisement -

टोपे म्हणाले,”तीन दिवसांपूर्वी आम्हांला लसीचे सात लाख डोस मिळाले. आजचा दिवस संपल्यानंतर ही खेपही संपेल. आतापर्यंत आम्हाला लसीचे 3.60 कोटी पेक्षा जास्त डोस मिळाले असून त्यापैकी सुमारे 25 लाख डोस थेट राज्य सरकारने खरेदी केले आहेत.

अधिकृत आकडेवारीनुसार, रविवारपर्यंत राज्यात लसींचे एकूण 3,65,25,990 डोस दिले गेले. राज्यात लसींच्या कमतरतेसंदर्भात एका प्रश्नाला उत्तर देताना टोपे म्हणाले, “आम्ही आमच्या क्षमतेपेक्षा कमी काम करीत आहोत.” ते पुढे म्हणाले की,”जर लसी योग्य पद्धतीने पुरविल्या गेल्या तर संपूर्ण पात्र जनतेला लस दिली जाईल.”

राज्याच्या आरोग्य विभागाच्या म्हणण्यानुसार, रविवारी महाराष्ट्रात कोरोना विषाणूच्या 8,535 नवीन रुग्णांची नोंद झाली असून, राज्यात संक्रमणाची एकूण प्रकरणे 61,57,799 पर्यंत पोहोचली आहेत, तर 156 संक्रमित मृत्यूमुखी मृतांची संख्या 1,25,878 पर्यंत पोहोचली आहे.

राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा

Click Here to Join Our WhatsApp Group