मुंबई | सध्या मुख्यमंत्री उद्धव ठाकरे यांच्यासमोर आमदारकीचा पेचप्रसंग उभा ठाकला आहे. याबाबत ठाकरे यांनी पंतप्रधान मोदी यांच्यासोबत फोनवर चर्चा केल्याची माहिती समोर येत आहे. यावरुन आता भाजप नेते नितेश राणे यांनी शिवसेना खासदार संजय राऊत यांना टोला लगावला आहे. मोदी है तो मुमकिन है! असं म्हणत राणे यांनी ट्विट केलं आहे.
उद्या सामना मध्ये एक अग्रलेख होऊन जाऊ दे..
— Nitesh Rane (@NiteshNRane) April 29, 2020
मोदी है तो मुमकिन है !!
बरोबर ना राऊत साहेब ??
उद्या सामना मध्ये एक अग्रलेख होऊन जाऊदे. मोदी है तो मुमकिन है! हो कि नाही राऊत साहेब? असं राणे यांनी या ट्विट मध्ये म्हणले आहे. पंतप्रधान मोदी यांच्या मध्यस्थीमुळे मुख्यमंत्री ठाकरे यांचा आमदारकीचा मार्ग सुकर होणार असल्याची चर्चा सध्या राजकिय वर्तुळात आहे. नेमका यालाच हात घालत राणे यांनी राऊत यांना यानिमित्ताने टोला लगावला आहे.
दरम्यान, माजी मुख्यमंत्री देवेंद्र फडणवीस यांनी राज्यपालांची भेट घेऊन राज्यात माध्यामांची मुस्कटदाबी सुरु असल्याची तक्रार केली होती. तसेच राज्यपाल भगतसिंह कोश्यारी ठाकरे यांना राज्यपाल नियुक्त आमदार म्हणुन नेमत नसल्याने अनेकांना यात राजकिय खेळी दिसत होती. कोरोना विषाणुच्या प्रादुर्भावामुळे सर्वत्र लाॅकडाउन असल्याने विधानपरिषदेच्या निवडणुकाही पुढे ढकलण्यात आल्या आहेत. यामुळे आता राज्यपाल कोश्यारी काय निर्णय घेतात यांच्याकडे सर्वांचे लक्ष लागून राहिले आहे.
