एका Bitcoin ची किंमत 14.89 लाख रुपयेः ते तेजीत का आहे आणि कसे खरेदी करावे याविषयी जाणून घ्या

नवी दिल्ली । क्रिप्टो करन्सी (CryptoCurrency) बिटकॉइन (Bitcoin) जगभरात वेगाने वाढत आहे. कोरोना साथीच्या आजारामुळे झालेल्या आर्थिक अनिश्चिततेच्या युगात, क्रिप्टोकरन्सी बिटकॉइनने पुन्हा एकदा आपला सर्वकालिन विक्रम नोंदविला आहे. जगातील सर्वाधिक लोकप्रिय क्रिप्टोकरन्सी 8.7 टक्क्यांनी वाढून, $19,857.03 (सुमारे 14.89 लाख रुपये) झाली आहे आणि त्यानुसार त्याची वार्षिक वाढ 177 टक्के आहे. नोव्हेंबरमध्ये बिटकॉईनची किंमत 18 हजार डॉलर्सच्या पातळीवर गेली होती.

क्रिप्टोकरन्सी म्हणजे काय?
क्रिप्टोकरन्सी हे एक डिजिटल चलन आहे, जे ब्लॉकचेन तंत्रज्ञानावर आधारित आहे. या चलनात एनक्रिप्शन तंत्र वापरले जाते. या तंत्राद्वारे चलन व्यवहाराचे संपूर्णपणे ऑडिट केले जाते, ज्यामुळे ते हॅक करणे फारच अवघड असते. हेच कारण आहे की, क्रिप्टोकरन्सीमध्ये फसवणूकीची शक्यता फारच कमी आहे. क्रिप्टोकरन्सीचे काम केंद्रीय बँकेपेक्षा स्वतंत्र आहे, जे त्याची सर्वात मोठी कमजोरी आहे.

बिटकॉइनमध्ये ट्रेडिंग कसे होते? (How to trade in bitcoin?)
डिजिटल वॉलेटद्वारे बिटकॉइनचे ट्रेडिंग केले जाते. बिटकॉइनची किंमत जगभरात सारखीच असते. म्हणूनच त्याचे ट्रेडिंग प्रसिद्ध झाले. जगातील क्रियाकार्यक्रमानुसार बिटकॉइनची किंमत कमी होत असते. कोणताही देश याला कंट्रोल करीत नाही, याउलट हे डिजिटली कंट्रोल (Digitally controlled currency) असणारे चलन आहे. बिटकॉइन ट्रेडिंगसाठी निश्चित वेळ नसते. त्याच्या किंमतींत चढउतार देखील खूप वेगाने होतात.

बिटकॉइनचे नुकसान काय आहे?
बिटकॉइन चलनामुळे होणारे सर्वात मोठे नुकसान असे आहे की, जर आपला कॉम्प्युटर हॅक झाला तर तो पुन्हा रिकव्हर करता येणार नाही. एवढेच नव्हे तर आपण याबाबत पोलिसात किंवा इतर कोठेही तक्रार नोंदवू शकणार नाही.

बिटकॉइन कधी सुरू झाला?
बिटकॉइन 2009 मध्ये लाँच केले गेले होते. पहिल्या काही वर्षांत बिटकॉईन हळूहळू वाढत होता, मात्र, 2015 नंतर, यात मोठी तेजी दिसून आली आणि ती जगाच्या नजरेत आली. बर्‍याच देशांमध्ये, या व्हर्चुअल चलनात ट्रेडिंग करणे कायदेशीर मानले गेले आणि बिटकॉइनची किंमत सतत वाढत गेली. सध्या त्याची किंमत 19000 डॉलरच्या वर गेली आहे.

याची सुरुवात सतोशी नाकामोतो (Satoshi Nakamoto) नावाच्या एका व्यक्तीने केली होती. बिटकॉइन ट्रेडिंग (Bitcoin Trading) भारतातही गुप्तपणे केले जात आहे. मात्र, सरकारने याबाबत अद्याप पॉलिसी बनवलेली नाही. त्याचबरोबर सर्वोच्च न्यायालयानेही याला मान्यता दिली आहे.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.

You might also like