Thursday, December 25, 2025
Home Blog Page 2760

या’ कारणांमुळेही येऊ शकते इन्कम टॅक्स डिपार्टमेंटची नोटीस, जाणून घ्या नियम

By
Akshay Patil
-
Tax Rules On FD 

नवी दिल्ली । तुम्ही अ‍ॅनुअल इंफॉर्मेशन स्टेटमेंट (AIS) लाँच करण्यापूर्वी इन्कम टॅक्स रिटर्न (ITR) भरला होता का? जर तुम्ही आर्थिक वर्षात मिळालेल्या काही अत्यावश्यक उत्पन्नाकडे दुर्लक्ष केले असेल तर तुम्हाला तुमच्या टॅक्स रिटर्नवर नोटिस मिळू शकते.

आत्तापर्यंत रिटर्न भरण्यापूर्वी अ‍ॅनुअल टॅक्स स्टेटमेंट किंवा फॉर्म 26AS नमूद करणे आवश्यक होते. अ‍ॅनुअल इंफॉर्मेशन स्टेटमेंट 1 नोव्हेंबर 2021 रोजी लाँच करण्यात आले. हे स्टेटमेंट 26AS पेक्षा जास्त माहिती देते. फॉर्म 26AS मध्ये फक्त हाय व्हॅल्यू ट्रान्सझॅक्शन आणि TDS नमूद केले आहेत तर AIS मध्ये सेव्हिंग बँक इंटरेस्ट, डिव्हीडंड, कॅपिटल गेन आणि शेअर ट्रान्सझॅक्शनचे सर्व डिटेल्स आहेत.

फॉर्म 26AS (NSDL) आणि प्री-फील्ड इन्कम टॅक्स फॉर्म (इनकम टॅक्स डिपार्टमेंट) मधील डेटा जुळत नसल्यामुळे, अनेक करदात्यांना यावर्षी कमी रिफंड मिळाला.

38 वर्षीय कीर्ती मिसाळ वापरत असलेल्या जुन्या खात्यातील बचत बँक खात्यावरील व्याजाचा उल्लेख करण्यास विसरली. ती म्हणाली, “माझ्याकडे त्या खात्याचे पासबुक किंवा ऑनलाइन एक्सेस नव्हता. रिटर्न भरण्याच्या माझ्या घाईत, मी सेव्हिंग इंटरेस्टचा उल्लेख केला नाही.” कीर्तीने ऑक्टोबर 2021 मध्ये तिचे रिटर्न भरले असल्याने, तिला AIS मध्ये एक्सेस नव्हता आणि नोटीसला उत्तर देण्यासाठी तिने चार्टर्ड अकाउंटंटची मदत घेतली आहे.

चार्टर्ड क्लब संस्थापक करण बत्रा म्हणतात, “नुकताच लाँच केलेला AIS हा एक सर्वसमावेशक डॉक्यूमेंट आहे आणि त्यात सेव्हिंग बँक इंटरेस्ट, डिव्हीडंड यासारखी माहिती आहे. सध्याच्या फॉर्म 26AS मध्ये फक्त FD व्याज होते आणि डिव्हीडंड डिटेल्स नसतात. म्हणून, ज्यांच्याकडे पूर्वी AIS ची माहिती नव्हती आणि त्यांनी केवळ फॉर्म 26AS च्या आधारे रिटर्न भरले आणि आता त्यांना नोटिसा मिळत आहेत.”

वास्तविक करपात्र रक्कम आणि रिपोर्ट केलेल्या ट्रान्सझॅक्शनच्या रकमेतील फरकामुळे अनेक नोटिस आल्या आहेत. अहमदाबादचे चार्टर्ड अकाउंटंट राजू शाह म्हणतात, “आम्हाला आमच्या क्लायंटसाठी एडजस्टमेंटसाठी अनेक नोटिसा मिळाल्या आहेत. त्यामध्ये कॅपिटल गेनच्या संदर्भात AIS मध्ये एक्चुअल कॉस्टचा विचार केला गेला आहे. मात्र कॅपिटल गेनखाली एक इन्डेक्स्ड कॉस्ट विचारात घेणे आवश्यक आहे. निव्वळ आणि एकूण करपात्र उत्पन्नातील फरकामुळे 143(1) अंतर्गत इन्कम टॅक्स नोटिस मिळाली आहे.”

जर तुम्हाला ईमेल किंवा पोस्टद्वारे अशी कोणतीही नोटिस मिळाली असल्यास, कृपया नोटीसला प्रतिसाद देण्यासाठी आणि उशीर टाळण्यासाठी टाइमलाइन तपासा. चूक खरी आहे की नाही याचे मूल्यांकन करा किंवा स्वतंत्र गणना विचारात घ्या. जर टॅक्सची मागणी व्हॅलिड असेल तर पुढे जा आणि योग्य प्रक्रियेचे पालन करा. जर तुम्हाला दुरुस्त करण्यासाठी किंवा कोणत्याही विसंगतीची तक्रार करायची असल्यास, नवीन इन्कम टॅक्स पोर्टलवर लॉग इन केल्यानंतर ऑनलाइन पर्याय उपलब्ध आहे.

“बाळासाहेबांच्या कृपेनेच उद्धव ठाकरे मुख्यमंत्री, मात्र…”; नारायण राणेंचा हल्लाबोल

By
Santosh Gurav
-
Narayan Rane Uddhav Thackeray

हॅलो महाराष्ट्र ऑनलाईन । आज भाजप नेते तथा केंद्रीयमंत्री नारायण राणे यांनी पत्रकार परिषद घेतली. यावेळी त्यांनी मुख्यमंत्री उद्धव ठाकरे यांच्यावर हल्लाबोल केला. “बाळासाहेब ठाकरे यांनी मराठी माणसासाठी शिवसेना काढली. मात्र, आताचे शिवसेना प्रमुख मराठी माणसाच्या मुळावर आहे. आजारपणामुळे ते मंत्रालयात गेले नाहीत. गुणवत्ता पात्रता नसतानाही सव्वा दोन वर्ष काढली, मुख्यमंत्रीपद हे बाळासाहेब ठाकरे यांच्यामुळे मिळाले. मात्र, उद्धव ठाकरे यांच्याकडून राजकारण केले जात आहे,” अशी टीका राणे यांनी केली.

मंत्री नारायण राणे यांनी आज पत्रकार परिषद घेत माध्यमांशी संवाद साधला. यावेळी ते म्हणाले की, मीही मराठा आहे. त्यामुळे मला राजकारण शिकवू नये. मी कुणाच्या आजारपणावर बोलणार नाही. दुसरा कुणी असता तर राजीनामा दिला असता. शिवाजी महाराजांचं नाव घ्यायचं असेल तर लोककल्याणकारी काम करा.

मुख्यमंत्री मंत्रालयात जात नाहीत, कॅबिनेटमध्ये जात नाहीत, सभागृहात जात नाहीत. गुणवत्ता पात्रता नसतानाही सव्वा दोन वर्ष काढली, मुख्यमंत्रीपद हे बाळासाहेंबामुळे मिळाले. आम्हाला त्यांनी घडवलं, आमच्याकडून बघून त्यांना आनंद व्हायचा, असे राणे यांनी म्हंटले.

कांद्याच्या वाढत्या किंमतींना आळा घालण्यासाठी सरकारने उचलले पाऊल

By
Akshay Patil
-

नवी दिल्ली । देशातील अनेक राज्यांमध्ये कांद्याचे भाव वाढल्याने आता केंद्र सरकारने कारवाईचा बडगा उगारला आहे. कांद्याच्या किंमती नियंत्रित ठेवण्यासाठी केंद्र सरकारने अशा राज्यांना बफर स्टॉक देण्यास सुरुवात केली आहे, जिथे कांद्याचे भाव वाढत आहेत. बाजारात बफर स्टॉकची झपाट्याने आवक झाल्यामुळे कांद्याचे भाव स्थिर होताना दिसत आहेत.

अनेक वेळा कांद्याचे भाव वाढणे सरकारसाठी अडचणीचे ठरते. त्यामुळे यंदा बाजारात कांद्याचा झालेला कमी पुरवठा पाहता सरकारने आतापासूनच बंदोबस्त सुरू केला आहे. त्यामुळे, आता योजनाबद्ध आणि लक्ष्यित पद्धतीनेअशा राज्यांना कांद्याचा बफर स्टॉक उपलब्ध करून देणे सुरू केले आहे, जेथे मागील महिन्यांच्या तुलनेत किंमती वाढत आहेत.

सरकार पावले उचलत आहे
बाजारातील कांद्याचा पुरवठा वाढवण्यासाठी, ग्राहक व्यवहार मंत्रालयाने एका निवेदनात म्हटले आहे की, महाराष्ट्रातील लासलगाव घाऊक कांदा मंडई आणि पिंपळगाव घाऊक बाजारात बफर स्टॉक देखील जारी केला जात आहे. साठवणुकीव्यतिरिक्त इतर ठिकाणी 21 रुपये प्रति किलो दराने कांदा राज्यांना देण्यात आला आहे. हा कांदा मदर डेअरीच्या यशस्वी विक्री केंद्रांनाही वाहतूक खर्चासह 26 रुपये प्रति किलो दराने पुरवठा करण्यात आला आहे.

वाढत्या किंमती
मंत्रालयाच्या आकडेवारीनुसार, गेल्या काही आठवड्यांपासून किरकोळ कांद्याचे भाव हळूहळू वाढत आहेत. दिल्ली आणि चेन्नईमध्ये कांद्याचा भाव 37 रुपये प्रति किलो, मुंबईत 39 रुपये आणि कोलकात्यात 43 रुपये प्रति किलो होता. खरीप (उन्हाळी) कांद्याची आवक स्थिर असून रब्बी पीकही मार्च 2022 पासून बाजारात येण्यास सुरुवात होईल. यावर्षी 17 फेब्रुवारीपर्यंत कांद्याची अखिल भारतीय सरासरी किंमत गेल्या वर्षीच्या तुलनेत 22.36 टक्क्यांनी कमी होती.

बटाटे गेल्या वर्षीच्या तुलनेत स्वस्त
ग्राहक व्यवहार मंत्रालयाचे म्हणणे आहे की, मागील महिन्याच्या तुलनेत 17 फेब्रुवारी रोजी बटाट्याची अखिल भारतीय सरासरी किरकोळ किंमत 6.96 टक्के कमी म्हणजे 20.58 रुपये प्रति किलो होती. टोमॅटोचे दरही गेल्या महिनाभरात घसरले आहेत. तो अजूनही गेल्या वर्षीच्या तुलनेत जास्त आहे. 1 फेब्रुवारीपर्यंत टोमॅटोची अखिल भारतीय सरासरी किंमत 26.69 रुपये प्रति किलो होती, जी मागील महिन्याच्या तुलनेत कमी आहे. उत्तर भारतात आवक वाढल्याने येत्या आठवड्यात भाव आणखी घसरतील. दक्षिण भारतातही टोमॅटोची आवक येत्या आठवड्यात वाढणार असून या महिन्याच्या अखेरीस पूर्ण गती येईल.

सोन्याचा साठा 95.2 कोटी डॉलर्सने वाढला तर परकीय चलनाच्या साठ्यात झाली घट

By
Akshay Patil
-

नवी दिल्ली । देशाच्या परकीय चलनाच्या गंगाजळीत पुन्हा घट झाली आहे. 11 फेब्रुवारी 2022 रोजी संपलेल्या आठवड्यात ते 1.763 अब्ज डॉलर्सने घसरून 630.19 अब्ज डॉलर्स झाले. या दरम्यान सोन्याच्या साठ्याचे मूल्य 95.20 कोटी डॉलर्सने वाढून $40.235 अब्ज झाले. रिझर्व्ह बँक ऑफ इंडियाने (RBI) शुक्रवारी जारी केलेल्या आकडेवारीत ही माहिती देण्यात आली आहे.

यापूर्वी, 4 फेब्रुवारी 2022 रोजी संपलेल्या आठवड्यात परकीय चलन साठा 2.198 अब्ज डॉलर्सने वाढून 631.953 अब्ज डॉलर्स झाला होता. RBI च्या आकडेवारीनुसार, 28 जानेवारी रोजी संपलेल्या मागील आठवड्यात परकीय चलन साठा 4.531 अब्ज डॉलर्सने घसरून $629.755 अब्ज झाला आहे, तर 21 जानेवारी रोजी संपलेल्या आठवड्यात परकीय चलन साठा 67.8 कोटी डॉलर्सने घसरून 634.287 अब्ज डॉलर्स झाला आहे.

FCA 2.764 अब्ज डॉलर्सने कमी झाला
शुक्रवारी RBI ने जारी केलेल्या साप्ताहिक आकडेवारीनुसार, 11 फेब्रुवारी रोजी संपलेल्या आठवड्यात परकीय चलन साठ्यातील ही घसरण मुख्यत्वेकरून एकूण चलन साठ्यातील एक महत्त्वपूर्ण भाग असलेल्या परकीय चलन मालमत्तेत (Foreign Currency Assets) घट झाली आहे. आहे. रिझव्‍‌र्ह बँकेने म्हटले आहे की, रिपोर्टींग वीकमध्ये भारताचा FCA 2.764 अब्ज डॉलर्सने घसरून 565.565 अब्ज डॉलर्स झाला आहे. डॉलर्समध्ये नामांकित, FCA मध्ये परकीय चलनाच्या साठ्यामध्ये असलेल्या युरो, पौंड आणि येन सारख्या इतर विदेशी चलनांच्या मूल्यात वाढ किंवा घट होण्याचा परिणाम देखील समाविष्ट असतो.

सोन्याचा साठा वाढला
याशिवाय, रिपोर्टींग वीकमध्ये सोन्याच्या साठ्याचे मूल्य 95.20 कोटी डॉलर्सने वाढून 40.235 अब्ज डॉलर्स झाले आहे. रिपोर्टिंग आठवड्यात, आंतरराष्ट्रीय नाणेनिधी (IMF) मध्ये देशाचा SDR (Special Drawing Rights) 6.5 कोटी डॉलर्सने वाढून 19,173 अब्ज डॉलर्स झाला आहे. IMF मधील देशाचा चलन साठा देखील 1.6 कोटी डॉलर्सने घसरून 5.217 अब्ज डॉलर्स झाला आहे.

साताऱ्यात दोन्ही राजेंना राजघराण्यातूनच पालिका निवडणुकीत आव्हान? : वृषालीराजेंचे संकेत

By
Akshay Patil
-

सातारा प्रतिनिधी | शुभम बोडके

खासदार उदयनराजे आणि आमदार शिवेंद्रराजे भोसले यांना राजघराण्यातील सदस्यांचे मोठे आवाहन उभे ? वृषालीराजे भोसले यांनी दिले आहे. सातारा नगर पालिका निवडणुक लढवण्याचे संकेत दिल्याने शिवजयंतीदिनी राजकीय चर्चांना उधाण आले. तसेच दोघांना तिसरा पर्याय मिळणार की कसे हे पुढील काही दिवसात समजणार असल्याचे राजकीय जाणकरांकडून सांगितले जात आहे.

साताऱ्यात छत्रपती शिवाजी महाराज यांची जयंती मोठ्या उत्साहात साजरी होत आहे. राजघराण्यातील सदस्य वृषालीराजे यांनी आज शिवजयंतीच्या मुहूर्तावर सातारा पालिका निवडणूक लढवण्याचे संकेत दिले आहेत. खासदार उदयनराजे आणि आमदार शिवेंद्रराजे भोसले यांना राजघराण्यातील सदस्यांचे मोठे आवाहन असल्याचे साताऱ्यात बोलले जात आहे?

सातारा पालिकेच्या वतीने राजवाडा येथे आयोजित करण्यात आलेल्या शिवजयंती सोहळ्यास छत्रपती शिवाजी महाराजांचे वंशज वृषालीराजे भोसले यांनी उपस्थिती लावली. यावेळी बोलताना त्या म्हणाल्या, कोरोनामुळे दोन वर्ष शिवजयंती साजरी करण्यात आली नव्हती. आज मोठ्या उत्साहात शिवजयंती साजरी होत आहे. ज्याप्रकारे छत्रपती शिवाजी महाराजांचे स्वराज्य हे लक्ष होत. त्याप्रकारे सातारकरांना माझी कशी मदत होईल हे माझे पुढील लक्ष असणार आहे. साताऱ्यात नागरिकांना रस्त्याच्या आणि पाण्याच्या समस्या भेडसावत आहेत. सातारकरांच्या अडचणी आणि समस्या सोडवण्यासाठी मी कटिबद्ध असल्याचे सांगत येणाऱ्या पालिका निवडणुका लढवण्याचे संकेत त्यांनी दिले आहेत.

“तेव्हा दिल्लीत औरंगजेब होता, आज दुसऱ्यांकडून महाराष्ट्राला झुकवण्याचा प्रयत्न”, संजय राऊतांचा केंद्रावर निशाणा

By
Santosh Gurav
-
SANJAY RAUT

हॅलो महाराष्ट्र ऑनलाईन । शिवजयंतीनिमित्त शिवसेना खासदार संजय राऊत यांनी आज केंद्र सरकारवर आणि भाजपावर निशाणा साधला. “दिल्लीने इकडचे लोक फितुर केले असून ते आमच्या मराठी बाण्यावर आणि महाराष्ट्राच्या अस्मितेवर घाव घालत आहेत. तेव्हा दिल्लीत औरंगजेब होता, आज दुसरे कुणी दिल्लीने कायम महाराष्ट्राला झुकवण्याचा प्रयत्न केला. जेव्हा जेव्हा हा प्रयत्न झाला, तेव्हा महाराष्ट्राने उसळून म्यानातून तलवार काढून लढा दिला. त्या काळातही महाराष्ट्रातलेच काही फितुर आणि गद्दार औरंगजेबाला मदत करत होते. शिवरायां विरोधात कारस्थान करत होते. आजही नेमकी तीच परिस्थिती असल्याचे राऊत यांनी म्हंटले.

शिवसेना खासदार संजय राऊत यांनी माध्यमांशी संवाद साधला. यावेळी ते म्हणाले की, महाराष्ट्र छत्रपती शिवाजी महाराज यांच्याकडून अनेक गोष्टी शिकल्या आहेत. त्यामध्ये खासकरून स्वाभिमान, मरण पत्करेन, पण शरण जाणार नाही हा जो बाणा शिवरायांचा आहे तो महाराष्ट्राने कायम जपण्याचे काम केले. आजही आम्ही दिल्लीसमोर ताठ कण्याने आणि बाण्याने उभे आहोत. काहीही झाले तरी महाराष्ट्र आणि महाराष्ट्रातील मराठी माणूस दिल्लीपुढे झुकणार नाही.

आजही दिल्लीत बसलेले महाराष्ट्रातील काही फितूर महाराष्ट्राच्या अस्मितेवर घाव घालत आहेत. पण तरीही महाराष्ट्र उभा आहे. महाराष्ट्रात सह्याद्री आहे. तो कायम हिमालयाच्या बरोबरीने लढत राहील. कुणी महाराष्ट्राला कमजोर करत असेल, तर त्यांनी छत्रपती शिवाजी महाराजांचा इतिहास समजून घ्यावा, असेही यावेळी राऊत यांनी म्हंटले.

“आम्ही काय मराठ्यांच्या पोटचे नाहीत का?”; शिवजयंती कार्यक्रमात अजित पवार आक्रमक

By
Santosh Gurav
-
Ajit Dada

हॅलो महाराष्ट्र ऑनलाईन । आज किल्ले शिवनेरीवर शिवजयंती साजरी करण्यात आली. यावेळी उपमुख्यमंत्री अजित पवार यांच्यासह अनेक नेत्यांनी उपस्थिती लावली. यावेळी अजित पवार यांनी मराठा आरक्षणाच्या प्रश्नी महत्वपूर्ण विधान केले. “आम्ही सगळ्यांनी विधिमंडळात मराठा समाजाला आरक्षण मिळावा यासाठी भूमिका घेतली गेली. न्यायालयात अडचण आली म्हणून आयोग स्थापन करुन आरक्षण देण्याचा प्रयत्न केला. सुप्रीम कोर्टात ते फेटाळले. केंद्र सरकारने कायदा करुन 50 टक्केवर आरक्षण द्यायला लागेल. आम्हाला काही अभिमान नाही का ? आम्ही काय मराठ्यांच्या पोटाचे नाही का?, असे म्हणत पवार यांनी एका प्रष्णांवर प्रतिप्रश्न केला.

उपमुख्यमंत्री अजित पवार यांनी आज शिवनेरी या ठिकाणी जाऊन कार्यक्रमास उपस्थिती लावली. यावेळी ते म्हणाले की, शिवबांनी काय शिकवल आहे. सगळ्या जातींना पुढे घेऊन जायचे आहे. कोणाच्याही आरक्षणाला धक्का लागता कामा नये. काही भागात जाट आरक्षण, वेगवेगळ्या भागात वेगवेगळ आरक्षण मागितले जात आहे. मी, बाळासाहेब थोरात, दिलीप वळसे पाटील आम्ही काही मराठ्यांच्या पोटचे नाहीत का? आम्हाला आमच्या जातीचा अभिमान नाही का ? असा संतप्त प्रश्न पवार यांनी भरसभेत केला.

यावेळी पवार पुढे म्हणाले की, कायदा आणि सर्वोच्च न्यायालय सर्वोच्च आहे. काही राज्यात वेगवेगळं आरक्षण मागितले जाते. बाळसााहेब थोरात यांच्यासह आम्ही पंतप्रधान नरेंद्र मोदी याची भेट घेतली. यावेळी त्यांच्याकडे 12 मागण्या केल्या. त्यातील मराठा आरक्षणाची पहिली मागणी होती. पंतप्रधानांनी चर्चा करण्याचे आश्वासन दिले होते, असे पवार यांनी सांगितले.

तुम्ही काय सुपारी घेऊन आलात का?

शिवनेरी या ठिकाणी भे कार्यक्रमातील सभेत उपमुख्यमंत्री अजित पवारांचे भाषण सुरू असताना त्यांनी मराठा आरक्षण आणि ओबीसी आरक्षणाची माहिती देण्यास सुरुवात केली. केंद्र सरकारने कायद्यात बदल केला आणि 50 टक्क्याहून अधिक आरक्षण देण्याची तरतूद केली तर मराठा समाजाला आरक्षण मिळू शकते, असे पवार म्हणाले. तेव्हा काही तरुणांनी त्यांच्या भाषणात व्यत्यय आणला. दादा, 50 टक्क्यांच्या आत आरक्षण द्या, असं हे तरुण म्हणाले. त्यावर अजित पवार संतापले. त्यांनी तुम्ही सुपारी घेऊन आलात का? असा सवाल केला.

“सुशांतसिंग, दिशा सालियनची आत्महत्या हत्याच”; नारायण राणेंचे ट्वीट

By
Santosh Gurav
-
Narayan Rane

हॅलो महाराष्ट्र ऑनलाईन । राज्यातील राजकारण सध्या अनेक मुद्यांनी चांगलेच तापले आहे. भाजप नेते किरीट सोमय्या यांनी संजय राऊतांवर आणि मुख्यमंत्री उद्धव ठाकरे यांच्या पत्नीवर आर्थिक गैरव्यवहाराचा मोठा आरोप केला आहे. या प्रकरणात केंद्रीय मंत्री नारायण राणेंनी प्रतिक्रिया दिली आहे. राणेंनी शिवसेना खासदार विनायक राऊतांना उद्देशून एक ट्वीट केले आहे. “सुशांतसिंग राजपूत आणि दिशा सालियन या दोघांचीही आत्महत्या नव्हे हत्या झाली. त्या प्रकरणाची चौकशी परत होईल, असा दावा राणेंनी केला आहे.

नारायण राणे यांनी आपल्या ट्विटमध्ये म्हंटले आहे की, खासदार विनायक राऊत यांच्यासाठी खास बातमी, लवकरच सुशांतसिंग व सामुदायिक बलात्कार करून तिची हत्या केली त्या दिशा सालियन या दोघांचीही आत्महत्या नव्हे हत्या झाली त्यांचीही चौकशी परत होईल एवढेच नाही तर मातोश्रीच्या चौघांवर ईडीची नोटीस तयार असल्याचे कळाले. विनायक राऊत हे घडल्यावर आपले “बॉस ” आणि आपण कुठे धावणार?’, असे ट्वीट राणे यांनी केले आहे.

दरम्यान, राणे यांनी मुख्यमंत्री उद्धव ठाकरे यांचे निवासस्थान असलेल्या मातोश्रीचाही उल्लेख केला आहे. आपल्या ट्वीटमध्ये राणे म्हणाले की, ‘मातोश्री’ वरील चौघांवर ईडीची नोटीस तयार असल्याचे कळाले, असे राणे यांनी म्हंटले आहे.

साताऱ्यात छ. शिवाजी महाराजांच्या पुतळ्यास वंशजाच्या हस्ते अभिषेक

By
Akshay Patil
-

सातारा प्रतिनिधी शुभम बोडके

साताऱ्यात छत्रपती शिवाजी महाराज जयंती मोठ्या उत्साहात साजरी करण्यास सुरूवात झालेली आहे. पोवई नाका येथे असलेल्या छत्रपती शिवाजी महाराजांच्या पुतळ्यास त्यांच्या वंशजांच्या हस्ते महाराजांच्या पुतळ्याला अभिषेक करण्यात आला. तसेच पुतळा परिसर आकर्षक असा सजविण्यात आला आहे.

साताऱ्यात छत्रपती शिवाजी महाराज जयंती मोठ्या उत्साहात साजरी होत आहे. छत्रपती शिवाजी महाराजांचे वंशज वृषालीराजे शिवाजीराजे भोसले आणि श्रीमंत छत्रपती कौस्तुभआदित्यराजे भोसले यांच्या हस्ते शिवतीर्थावरील छत्रपती शिवाजी महाराजांच्या पुतळ्याला अभिषेक करण्यात आला. छत्रपती शिवाजी महाराजांना अभिवादन करण्यासाठी शिवप्रेमींनी पोवई नाक्यावर पहाटेपासूनच मोठी गर्दी केली होती.

शिवजयंती निमित्त लावण्यात आलेल्या भगव्या पताकांनी शिवतीर्थ अवघा भगवामय दिसत आहे. महिला आणि युवतींचा मोठ्या प्रमाणात शिवजयंतीला सहभाग दिसून येत आहे. नऊवारी साडी नेसून डोक्यावर फेटा परिधान करून शिवजयंती साजरी करताना युवती दिसत आहेत. छत्रपती शिवाजी महाराजांच्या जयघोषाने परिसर दुमदुमून गेला आहे.

महिलेला मारहाण केल्याप्रकरणी शिवसेनेने आमदार बोरनारेंवर गुन्हा दाखल

By
Adarsh Patil
-

औरंगाबाद – वर्षश्राद्धाच्या कार्यक्रमासाठी आलेल्या एका महिलेसह तिच्या पतीला घराबाहेर बोलावून शिवसेनेच्या आमदाराने आपल्या साथीदारांच्या मदतीने कार्यक्रमस्थळी राडा घालत महिलेला मारहाण केल्याची घटना शुक्रवार दुपारच्या सुमारास शहरातील गोदावरी कॉलनीत घडली. या प्रकरणी आमदारासह 10 जणांविरुद्ध गुन्हा दाखल झाला आहे.

जयश्री दिलीप बोरनारे (रा. सटाना, ता. वैजापूर) यांनी दिलेल्या फिर्यादीनुसार आमदार रमेश नानासाहेब बोरनारे, पत्नी संगीता रमेश बोरनारे, संजय नानासाहेब बोरनारे, दीपक बाबासाहेब बोरनारे, अजिंक्य संपत बोरनारे, रणजित मधुकर चव्हाण, संपत नानासाहेब बोरनारे, अबोली संजय बोरनारे, वर्षा संजय बोरनारे, दिनेश शाहू बोरनारे यांच्यावर गुन्हा दाखल झाला. तालुक्यातील सटाना येथील जयश्री बोरनारे व दिलीप बोरनारे हे पती-पत्नी शुक्रवारी वर्षश्राद्धाच्या कार्यक्रमासाठी दुपारी शहरातील गोदावरी कॉलनीत आले होते. त्यावेळी दिलीप यांचे चुलतभाऊ आमदार रमेश बोरनारे त्यांनी पत्नीसह इतर आठ लोकांनी मिळून जयश्री व दिलीप यांना घरातून बाहेर बोलावून तुम्ही भाजपच्या कार्यक्रमात जाऊन आमची बदनामी करत आहे, असे म्हणत मारहाण करण्यास सुरवात केली. घटनास्थळी मोठी गर्दी जमली.

दरम्यान, वर्षश्राद्धाच्या कार्यक्रमात अचानक आमदार व त्यांचे भाऊ महिलेला मारहाण करत असल्याचे बघून जमलेले पाहुणे अचंबित झाले. यानंतर पती, पत्नीने थेट वैजापूर पोलिस ठाणे गाठले. मात्र, ठाण्यात वीजपुरवठा नसल्याने ऑनलाइन तक्रार देण्यासाठी या महिलेला चक्क सायंकाळपर्यंत वीज येण्याची वाट बघावी लागली. तसेच पोलिसांनी तक्रार दाखल न केल्यास ठाण्यात आत्महत्या करण्याचा इशारा फिर्यादी महिलेने दिला होता. अखेर रात्री साडेनऊ वाजता वैजापूर पोलिस ठाण्यात गैरकायद्याची गर्दी जमवून शिविगाळ व मारहाण केल्याप्रकरणी 143, 147, 323, 504, 506 या कलमान्वये दहा जणांवर गुन्हा दाखल झाला. घटनेचा तपास उपविभागीय अधिकारी कैलास प्रजापती करत आहे.

1...2,7592,7602,761...6,780Page 2,760 of 6,780
©