नवी दिल्ली । आज भारत आणि श्रीलंका यांच्यातील दुसरा टी -20 सामना पुढे ढकलण्यात आला आहे. भारतीय क्रिकेटपटू क्रुणाल पांड्या कोरोना पॉझिटिव्ह असल्याचे दिसून आले आहे, त्यामुळे कोलंबोमधील आजचा सामना एका दिवसासाठी तहकूब करण्यात आला आहे. असे मानले जात आहे की, पुढे ढकललेला खेळ आता बुधवारी होईल, त्यानंतर मालिकेचा तिसरा सामना शुक्रवारी होईल.
क्रुणाल पांड्या कोरोना व्हायरस पॉझिटिव्ह असल्याचे निदर्शनास आल्यानंतर भारत आणि श्रीलंका या दोन्ही संघांना आयसोलेशनमध्ये पाठवण्यात आले आहे. जे खेळाडू क्रुणाल पंड्याशी जवळून संपर्कात होते त्यांच्यावर बारीक नजर ठेवली जाईल. हा सामना सध्या एका दिवसासाठी पुढे ढकलण्यात आला आहे, परंतु बुधवारी सामना खेळवणे कठीण जात आहे.
NEWS : Krunal Pandya tests positive.
Second Sri Lanka-India T20I postponed to July 28.
The entire contingent is undergoing RT-PCR tests today to ascertain any further outbreak in the squad.#SLvIND
— BCCI (@BCCI) July 27, 2021
क्रुणाल पांड्या कोरोना पॉझिटिव्ह असल्याचा आढळल्यानंतर आता संपूर्ण टीमला आज RT-PCR टेस्ट करावी लागणार आहे. भारताने एकदिवसीय मालिका 2-1 ने जिंकली तर टी -20 मालिकेमध्ये 1-0 ने आघाडी घेतली आहे.
एकदिवसीय मालिकेची सुरूवातही पुढे ढकलण्यात आली होती, कारण श्रीलंकेच्या संघाचा फलंदाजी प्रशिक्षक आणि व्हिडिओ विश्लेषक ही मालिका सुरू होण्यापूर्वीच कोरोना पॉझिटिव्ह असल्याचे दिसून आले.
यापूर्वी गेल्या महिन्यात इंग्लंडमधील भारतीय कम्पूतही कोविड -19 चे प्रकरण समोर आले होते. भारतीय यष्टीरक्षक-फलंदाज ऋषभ पंत आणि प्रशिक्षण सहाय्यक दयानंद गारानी हे कोविड -19 पॉझिटिव्ह असल्याचे दिसून आले. या कारणास्तव, त्यांना लंडनमध्येच राहावे लागले होते, कारण उर्वरित भारतीय संघ सराव सामना म्हणून डरहॅमला आला होता. दयानंद गारानीच्या संपर्कात आल्यानंतर गोलंदाजी प्रशिक्षक बी अरुण, वृध्दिमान साहा आणि अभिमन्यु ईस्वरन यांनादेखील 10 दिवस आयसोलेशनमध्ये राहावे लागले.
दरम्यान, पृथ्वी शॉ आणि सूर्यकुमार यादव हे श्रीलंकेहून इंग्लंडला जाणार होते. आता त्यांच्या प्रवासाच्या योजनांवर याचा काय परिणाम होईल हे पाहणे बाकी आहे. पृथ्वी आणि सूर्यकुमार हे दोघेही श्रीलंकेतील संघाचा एक भाग आहेत.
