वॉशिंग्टन । जगातील सर्वात श्रीमंत अब्जाधीश आणि स्पेसएक्स कंपनीचे मालक एलन मस्क (Elon Musk) यांनी ब्रह्मांडा (Universe) बद्दल असा दावा केला आहे की,”ब्रह्मांडामध्ये असे काहीतरी आहे जे सर्वकाही नष्ट करीत आहे.” एलन मस्क यांना आशा होती की, त्यांची कंपनी एक दिवस 1000 स्‍पेस शिप पृथ्वीवरून 100 टन उपकरणे आणि प्रत्येकी 100 माणसे अंतराळात पाठवेल. हीलोकं लोक मंगळावर कायमस्वरूपी राहण्याच्या उद्देशाने पुढे जातील. यापूर्वी 2050 पर्यंत 10 लाख लोकं अवकाशात राहतील अशी मस्क यांची योजना होती. परंतु नंतर त्यांनी हे कबूल केले की, हे लक्ष्य पूर्ण करण्यात अजूनही एक समस्या आहे. ते म्हणाले की,” परीक्षेचा एक काळ असा असेल जेव्हा काही कारणास्तव पृथ्वीवरून स्‍पेस शिप येणे बंद होतील. अशा परिस्थितीत मंगळावर राहणारी लोकं जिवंत राहतील का ?” ते म्हणाले की, जर असे झाले तर याचा अर्थ असा आहे की, आपण सुरक्षित ठिकाणी नाही.”
प्रोफेसर रॉबिन हॅन्सन यांनी दिलेल्या ग्रेट फिल्टर सिद्धांताचा संदर्भ स्पेसएक्सच्या सीईओने दिला. प्रोफेसर रॉबिन म्हणाले होते की,”अवकाशात काहीतरी आहे जे संपूर्ण जागेत जीवनाच्या विस्ताराआधी त्याचा नाश करीत आहे.” प्रोफेसर रॉबिन वर्ष 2014 मध्ये म्हणाले होते की,” ही जागा फारच विस्तृत, गडद, थंड, रिक्त आणि मृत आहे. आपण जिथे जिथे पाहू तिथे तो पूर्णपणे रिकामे झाले आहे.”
प्रोफेसर रॉबिन म्हणाले की,” जर आपण एलियन्सना पाहिले तर आपण त्यांना घाबरू शकता, ते आपल्याशी कसे वागतील याचा विचार करून तुम्हाला आश्चर्य वाटेल. जर तुम्ही कोणतेही एलियन्स पाहिले नाहीत तर मात्र तुम्ही घाबरायलाच पाहिजे, कारण कि काहीच दिसणार नाही.” या सिद्धांतावर आधारित, प्रोफेसर रॉबिन म्हणाले की,” अंतराळात असे काहीतरी आहे जे सर्वकाही नष्ट करीत आहे आणि आपण त्याचा पुढील बळी होऊ शकू.”
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.