हॅलो महाराष्ट्र ऑनलाईन । भविष्य निर्वाह निधी ही अशी रक्कम असते जी सहसा रिटायरमेंटनंतर मिळते. तुमच्या भविष्य निर्वाह निधीमध्ये जमा झालेल्या रकमेवर तुम्हाला 8.5 टक्के व्याज मिळते. मात्र, कर्मचारी भविष्य निर्वाह निधी संस्था रिटायरमेंटपूर्वी विवाह, मेडिकल एमरजेंसी, शिक्षण इत्यादींसाठी भविष्य निर्वाह निधीचा काही भाग काढून घेण्यास परवानगी देते.
रिटायरमेंटच्या वेळी मोठा तोटा
आपण भविष्य निर्वाह निधीतून पैसे काढल्यास रिटायरमेंटच्या वेळी तुम्हाला दीर्घ तोटा सहन करावा लागतो. त्यामुळे असा प्रयत्न करा की, नोकरी दरम्यान तुम्ही पीएफमधून पैसे काढायचे नाहीत. मात्र काही महत्त्वपूर्ण खर्चासाठी आपण रिटायरमेंट पूर्वीच या निधीतून काही भाग काढून घेऊ शकता. पण पैसे काढून घेतल्याने तोटाच होतो. त्याचप्रमाणे काही लोक नोकर्‍या बदलल्या नंतर पीएफचे पैसे काढतात. परंतु असे केल्याने आपल्याला रिटायरमेंटच्या वेळी मोठ्या प्रमाणात नुकसान सहन करावे लागते. पैसे काढण्यामुळे रिटायरमेंटच्या नंतर मिळणारा हा फंड कमी होतो आणि त्याचा पेन्शनवरही परिणाम होतो. रिटायरमेंटच्या नंतरही आपण पैसे काढले नाहीत तर तुम्हाला त्यामध्ये 3 वर्षे व्याज मिळेल.
आर्थिक वर्ष 2019-20 साठी EPF वरील व्याज निश्चित केले आहे
नुकत्याच झालेल्या EPFO बैठकीत आर्थिक वर्ष 2019-20 या वर्षाच्या व्याजदराबाबत निर्णय घेण्यात आला. कर्मचारी भविष्य निर्वाह निधी (EPF) वर सन 2019-20 या वर्षासाठी 8.5% व्याज निश्चित केले गेले आहे. परंतु EPFO कडून केवळ 8.15% व्याज दिले जाईल. उर्वरित 0.35 टक्के व्याज डिसेंबरमध्ये दिली जाईल. EPFO च्या केंद्रीय विश्वस्त मंडळाने 5 मार्च रोजी झालेल्या बैठकीत 2019-20 साठी EPF वरील व्याज दर 8.50 टक्के ठेवण्याची शिफारस केली आहे, जी आधीपासूनच 0.15 टक्के कमी आहे. विश्वस्त मंडळाचे अध्यक्ष कामगार मंत्री संतोष गंगवार आहेत. EPF चा हा प्रस्तावित दर किमान 7 वर्षांचा दर आहे.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.