नवी दिल्ली । चीन आणि ऑस्ट्रेलिया यांच्यात सुरू असलेल्या ट्रेंड वॉरमुळे भारतीय नाविकांना प्रचंड त्रास सहन करावा लागत आहे. 13 जूनपासून, चीनमधील हेबेई प्रांतातील जिंगतांग बंदरावर एमव्ही जग आनंद या मालवाहू जहाजाच्या क्रूचे 23 सदस्य अडकले आहेत. दुसरीकडे, मालवाहू जहाज एमव्ही अँसेटिया हे 20 सप्टेंबरपासून चीनच्या कोफीडियन बंदरात अडकले होते. यात चालक दलातील सदस्य असलेले 16 भारतीय प्रवासी होते. या मालवाहू जहाजांना त्यांचा माल अनलोड करण्याची परवानगी देण्यात आलेली नाही, मात्र तर इतर जहाजांना तसे करण्याची परवानगी आहे.
बीजिंगमधील भारतीय दूतावास सतत चीनी प्रशासनाच्या संपर्कात आहे जेणेकरून भारतीय तुकडी सुरक्षितपणे परत येऊ शकेल. अनेक जहाजं बंदरावर आली आणि त्यांनी माल उतरवून परत गेली, पण भारतीय नाविकांना किनारपट्टीवर येण्यापासून रोखलं जात आहे.
डॉक बदलण्याची परवानगी देण्यात यावी
या अभूतपूर्व परिस्थितीमुळे चालक दल सदस्यांवर खूप ताणतणाव आहे. बीजिंगमधील आपले दूतावास चीनमधील प्रांतीय आणि केंद्र सरकारच्या अधिकाऱ्यांशी सतत संपर्कात आहे. हे जहाजांना डॉक किंवा क्रू बदलण्याची परवानगी देण्याची विनंती करत आहेत.
चीनी अधिकारी कोरोनाचे कारण देतात
माहिती देताना चिनी अधिकाऱ्यांनी सांगितले की, कोविड -१९ संबंधित स्थानिक अधिकाऱ्यांनी घातलेल्या निर्बंधामुळे या बंदरांतून क्रू बदलण्यासही परवानगी दिली जात नाही. चीन कोविडला निमित्त बनवत आहे, जर कोरोना हे कारण असेल तर इतर जहाजांना देखील येऊ देऊ नये. अडकलेल्या भारतीयांना तो सर्व प्रकारची मदत देत असल्याचा चीनचा दावा आहे, परंतु सत्य हे आहे की, नाविकांवरचा मानसिक ताण वाढत आहे.
चीनने सांगितले की, आवश्यक ती मदत दिली जात आहे
चीनकडून निवेदन जारी करून असे म्हटले गेले आहे की, भारत, चीन आणि ऑस्ट्रेलियामधील सद्यस्थितीचा यात काहीही संबंध नाही. ते म्हणाले की, चीन सातत्याने भारतीय बाजूने संपर्कात आहे आणि आवश्यक ती मदतही पुरविली जात आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.