हॅलो महाराष्ट्र ऑनलाईन । कोरोना विषाणूमुळे संपूर्ण देशामध्ये ३ मे पर्यंत लॉकडाऊन असल्यामुळे आईपीएल२०२० अनिश्चित काळासाठी तहकूब करण्यात आले आहे. अशा परिस्थितीत न्यूझीलंडचे माजी मुख्य प्रशिक्षक आणि सध्याचे रॉयल चॅलेंजर्स बंगळुरू क्रिकेट डायरेक्टर माईक हेसन हे १ महिन्यापेक्षा जास्त काळ भारतातच अडकले होते पण आता माईक सकुशल आपल्या घरी परतला आहे.
मंगळवारी आपल्या अधिकृत ट्विटर अकाऊंटवरून हेसन यांनी सुखरूपपणे न्यूझीलंडला परतल्याची पुष्टी केली. “मुंबई विमानतळावर जाण्यासाठी बसमध्ये पूर्ण १ दिवस घालवणे व्वा किती आश्चर्यकारक दृश्य आहे,” ते म्हणाले. हेसन यांनी आपल्या ट्विटमध्ये भारताचे पंतप्रधान नरेंद्र मोदी, भारतातील न्यूझीलंड दूतावास, न्यूझीलंडचे परराष्ट्र व्यवहार मंत्रालय आणि न्यूझीलंडच्या पंतप्रधान जॅकंडा अर्डर्न यांचेही आभार मानले.
What a wonderful sight ✈️ after spending over a day on a bus ???? to get to Mumbai airport. The staff on @FlyAirNZ were simply outstanding on our return to New Zealand ????????????
.
Special thanks to ????@NZinIndia @MFATNZ @narendramodi @jacindaardern #repatriationflight #india #NZ
???????? pic.twitter.com/1Qq6xrcotu— Mike Hesson (@CoachHesson) April 27, 2020
महत्त्वाचे म्हणजे आयपीएलचा १३ वा हंगाम २९ मार्चपासून सुरू होणार होता, त्यासाठी रॉयल चॅलेंजर्स बंगळुरूचे क्रिकेट डायरेक्टर माईक हेसन हे मार्चच्या सुरूवातीसच भारतात आले होते. दरम्यान, पंतप्रधान नरेंद्र मोदी यांनी देशात लॉकडाऊन जाहीर केल्यानंतर सर्व आंतरराष्ट्रीय फ्लाइट बंदी असल्याने हेसन यांना भारतातच राहावे लागले.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.