हॅलो महाराष्ट्र ऑनलाईन । कोरोनाच्या या संकटात प्रत्येक प्रवर्गाच्या पथ विक्रेत्यांचे मोठे नुकसान झाले आहे. म्हणूनच केंद्र सरकारनंतर आता राज्य सरकारेही त्यांना मदत करण्यासाठी पुढे येत आहेत. वृत्तसंस्था पीटीआयच्या वृत्तानुसार, दिल्ली शहरातील पथ विक्रेत्यांना 20 हजार रुपयांपर्यंतचे कर्ज देण्याची घोषणा दिल्ली सरकारने केली आहे. वृत्तसंस्थेच्या अधिकाऱ्यांकडून मिळालेल्या माहितीनुसार राष्ट्रीय राजधानीत सुमारे पाच लाख पथ विक्रेते आहेत. परंतु, केवळ 1.3 लाख लोकांनीच मनपा आणि एनडीएमसीकडे नोंदणी केली आहे. केंद्र सरकार पीएम स्वनिधी योजनेंतर्गत जास्तीत जास्त 10 हजार रुपयांपर्यंत कर्ज उपलब्ध करुन देत आहे. हे या लोकांना व्यवसायास सुरूवात करण्यात मदत व्हाव्ही म्हणून दिले जात आहे. हे अतिशय सोप्या अटींसह दिले जात आहे. हे एक प्रकारचे अनसिक्‍योर्ड लोन आहे.
दिल्ली सरकारची योजना काय आहे
डीएसएफडीसी पथ विक्रेत्यांना कमी व्याजदराने कर्ज देईल. ते म्हणाले की,’ समाजकल्याण मंत्री राजेंद्र पाल गौतम यांनी बैठकीनंतर हा निर्णय घेतला आहे. यामुळे अशा लोकांचे खाजगी सावकारांवरचे अवलंबून राहणे कमी होईल. दिल्ली एससी, एसटी, ओबीसी, अल्पसंख्याक आणि अपंग वित्त व विकास महामंडळ अर्थात डीएसएफडीसीने रघुबीर नगरमधील 60 वर्क शेडचे नूतनीकरण केले आहे. अनुसूचित जातीच्या व्यवसायिकांना वाटपासाठी ते तयार आहे.
PM SVANidhi बद्दल जाणून घ्या
हे कर्ज एका वर्षासाठी असेल आणि मासिक हप्त्यांमध्ये ते भरावे लागेल. या कर्जासाठी कोणतीही हमी घेतली जाणार नाही. हे एक प्रकारचे अनसिक्‍योर्ड लोन असेल.
सरकार हे कर्ज वेळेवर परतफेड करणाऱ्या पथ विक्रेत्यांना 7 टक्के वार्षिक व्याज अनुदान त्यांच्या खात्यावर ट्रान्सफर करेल. या योजनेंतर्गत दंडाची कोणतीही तरतूद नाही. सर्व व्यापाऱ्यांना डिजिटल व्यवहार करावे लागतील, त्यांना त्यामध्ये कॅशबॅक ऑफर मिळेल.
रस्त्यावर, रस्त्याच्या कडेला दुकाने लावणाऱ्यांसाठी मोठी बातमी आता ओळखपत्र नसतानाही मिळेल10 हजारांचे कर्ज
या योजनेची अंमलबजावणी करणारी एजन्सी म्हणून सिडबीची नेमणूक करण्यात आली असून आतापर्यंत त्या अंतर्गत 2 लाख अर्ज प्राप्त झाले आहेत. तर 50 हजार व्यावसायिकांना कर्ज मंजूर झाले आहे. पथ विक्रेत्यांसाठी सुरू झालेल्या या योजनेसाठी सरकारने 5000 कोटी रुपयांच्या रकमेस मान्यता दिली आहे. यासाठी कोणतीही कठोर अट ठेवली जाणार नाही. हे अगदी सोप्या अटींसह दिले जाईल.
या योजनेचा लाभ कोणाला मिळणार
या विशेष पत योजनेंतर्गत 24 मार्च 2020 पर्यंत किंवा त्यापूर्वी विक्री करणार्‍या 50 लाख पथारी विक्रेते कर्ज घेऊ शकतात. यामध्ये हे कर्ज रस्त्याच्या कडेला असलेल्या गाड्या किंवा पथ विक्रेत्यांवर दुकाने चालवणाऱ्यांना देण्यात येणार आहे. फळ-भाजीपाला, कपडे धुऊन मिळण्याचे ठिकाण, सलून आणि पान दुकाने देखील या वर्गात समाविष्ट आहेत. जे त्यांना चालवतात ते देखील हे कर्ज घेऊ शकतात. या योजनेचा 50 लाख लोकांना फायदा होईल असा विश्वास व्यक्त करण्यात आलेला आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.