नवी दिल्ली । कोविड १९ या साथीमुळे ज्येष्ठ नागरिकांना होणार्‍या अडचणी लक्षात घेता ईपीएफओने पेन्शनधारकांना दिलासा दिला आहे. ईपीएफओ ने ईपीएस 1995 अंतर्गत पेन्शन घेणार्‍या नागरिकांसाठी जीवन प्रमाणपत्र सादर करण्याची मुदत तीन महिन्यांपर्यंत वाढविली आहे. अशा परिस्थितीत, पेन्शनधारक आता 28 फेब्रुवारी 2021 पर्यंत आपले जीवन प्रमाणपत्रे सादर करु शकतील.
ईपीएफओशी संबंधित 35 लाख निवृत्तीवेतनधारक आहेत. आतापर्यंत कोणताही पेन्शनधारक केवळ 30 नोव्हेंबरपर्यंत जेपीपी सादर करू शकत होता. जे अंमलबजावणीच्या तारखेपासून एक वर्षासाठी वैध असते. ईपीएफओच्या या सुविधेचा चांगला फायदा आता पेन्शनधारकांना होईल.
हे सर्व पेंशनधारक त्यांचे जीवन प्रमाणपत्र अनेक मार्गांनी सादर करू शकतात. यासाठी पेंशनधारक देशभरातील 3.65 लाख कॉमन सर्विस सेंटर, पेंशन डिस्‍बर्सिंग बँकांच्या शाखा, 1.36 लाख पोस्ट ऑफिस, पोस्‍टल नेटवर्कचे 1.90 लाख पोस्टमन आणि ग्रामीण डाक सेवक घेऊ शकतात.
निवृत्तीवेतनधारक घराजवळील सीएससींसाठी ही लिंक (https://locator.csccloud.in/) वापरू शकतात. तसेच (http://ccc.cept.gov.in/covid/request.aspx) या लिंकद्वारे आपण आपल्या घराजवळच्या पोस्ट ऑफिसमध्ये जेपीपी सादर करण्यासाठी ऑनलाईन देखील अर्ज करू शकता. ईपीएफओने मुदतवाढ देताना असे म्हटले आहे की, नोव्हेंबर 2020 पर्यंत जेपीपी जमा न केलेल्या या 35 लाख निवृत्तीवेतनधारकांचे पेन्शन रोखले जाणार नाही.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.