तुम्ही खरे हिंदुत्ववादी असता तर गांधी नव्हे, जिनांवर गोळी झाडली असती – संजय राऊत

By

-

Sunday, 30 January 2022, 3:37

हॅलो महाराष्ट्र ऑनलाइन | तुम्ही जर खरे हिंदुत्त्ववादी होता आणि तुमच्यात जर मर्दांनगी होती तर महात्मा गांधी नव्हे तर जिनांना गोळी घातली असती असे म्हणत शिवसेना खासदार संजय राऊत यांनी नथुराम गोडसे आणि भाजपवर निशाणा साधला. संजय राऊत प्रसारमाध्यमांशी बोलत होते त्यावेळी त्यांनी भाजपवर टीका केली.

जिनाने पाकिस्तानची मागणी केली होती. देशाची फाळणी त्यांनीच घडवून आणली होती . ज्यांनी पाकिस्तानची मागणी केली त्यांना गोळी घालायला हवी होती. तुमच्यात हिंमत होती तर गांधींना नव्हे तर जिनांना गोळी घालायला हवी होती. एका फकिराला गोळी मारणं योग्य नव्हत असे राऊत म्हणाले.

ते पुढे म्हणाले, महात्मा गांधींच्या भूमिकेवर आम्हीही टीका केली. पण स्वातंत्र्य लढ्यातील त्यांचं योगदान आणि कार्य मोठं आहे. बलाढ्य ब्रिटिश सरकारला आव्हान देण्याचं काम गांधींनी केलं आहे. गांधींचं नेतृत्व धैर्यशील आणि असामान्य आहे. गांधीजींना गोळी झाडण्यात आली. पण गांधी मेले नाहीत असे राऊतांनी म्हंटल.

डबल डेकर बस असेल ‘ओपन रुफ’

By

Adarsh Patil

-

Sunday, 30 January 2022, 3:27

औरंगाबाद – पर्यटनमंत्री आदित्य ठाकरे यांनी केलेल्या सूचनेनुसार महापालिकेने डबल डेकर बस ओपन ग्रुपच्या म्हणजे छत नसलेल्या घेण्याची तयारी सुरू केली आहे. या कामासाठी मुंबईच्या बेस्ट संस्थेची मदत घेतली जाणार आहे. महापालिका आणि स्मार्ट सिटी प्रशासनाने मागील काही दिवसांपासून ही बसेस सुरू करण्याचा निर्णय घेतला. बस खरेदीची प्रक्रियाही सुरू करण्यात आली आहे.

दरम्यान, पर्यटनमंत्री आदित्य ठाकरे यांनी डबल डेकर बस सुरू कराव्यात अशी सूचना केली. स्मार्ट सिटी ने सूचना मान्य करत भविष्यात डबल-डेकर बस खरेदी करण्याचा विचार सुरू केला आहे. बसेसला छतही राहणार नाही. त्यामुळे पर्यटकांना खुल्या बसमध्ये बसून संपूर्ण शहरभर मनसोक्तपणे फिरण्याचा आनंद घेता येईल.

यासंदर्भात स्मार्ट सिटी चे सीईओ असते कुमार पांडे यांनी सांगितले की, मुंबईत अशा पद्धतीचा प्रयोग बेस्टने केला आहे. महापालिका स्मार्ट सिटीतील अधिकाऱ्यांचे एक पथक लवकरच मुंबईत बेस्टच्या कार्यपद्धतीची माहिती घेणार आहे. डबल-डेकर बसेसची सेवा सुरू करण्यासाठी बेस्टच्या संबंधित एजन्सीची सुद्धा मदत घेतली जाणार असल्याचे त्यांनी नमूद केले.

Budget 2022 : सर्वांच्या नजरा टॅक्स घोषणेवर; जाणून घ्या कुठे आणि किती सूट मिळते

By

Akshay Patil

-

Sunday, 30 January 2022, 3:11

नवी दिल्ली । मंगळवार 1 फेब्रुवारी रोजी, अर्थमंत्री निर्मला सीतारामन 2022-23 या आर्थिक वर्षाचा सर्वसाधारण अर्थसंकल्प संसदेच्या टेबलवर सादर करतील. समाजातील प्रत्येक घटकाच्या नजरा या अर्थसंकल्पातील घोषणांकडे लागल्या आहेत. सध्या देश कोरोना महामारीच्या तिसऱ्या लाटेचा सामना करत आहे. संसर्ग रोखण्यासाठी विविध राज्यांमध्ये पुन्हा लॉकडाऊनला सामोरे जावे लागले. ज्यामुळे रुळावर आलेल्या अर्थव्यवस्थेला पुन्हा एकदा फटका बसला आहे. अशा स्थितीत सर्वसामान्यांना दिलासा देण्यासाठी अर्थमंत्री काय घोषणा करणार, हे मंगळवारीच स्पष्ट होईल. मात्र असे असले तरी करदात्यांचे सर्वाधिक डोळे अर्थसंकल्पाकडे लागले आहेत.

अर्थमंत्र्यांच्या अर्थसंकल्पीय भाषणात अनेक महत्त्वाचे टप्पे असतील, ज्याद्वारे समाजातील विविध स्तरातील लोकं या अर्थसंकल्पात आपल्याला काय फायदा मिळेल हे समजून घेण्याचा प्रयत्न करतील. मात्र, अर्थसंकल्पातील क्लिष्ट भाषेमुळे या घोषणा सर्वांना समजणे सोपे नाही. येथे आम्ही करदात्यांशी संबंधित घोषणांविषयी माहिती देत आहोत, सामान्य करदात्याला अर्थमंत्र्यांच्या टॅक्स संबंधित घोषणा कशा समजू शकतील. सर्व प्रथम, पर्सनल टॅक्स बद्दल जाणून घेउयात.

इन्कम टॅक्सशी संबंधित घोषणा या सर्वात जवळून पाहिल्या जातात. विशेषत: कामगार वर्गाला हे जाणून घ्यायचे असते की, त्यांच्या हितासाठी सरकारने कोणत्या तरतुदी केल्या आहेत. आयकर कायद्याच्या कोणत्या कलमात किती सूट मिळते हे समजून घेणे आपल्यासाठी महत्त्वाचे आहे. आयकर कायद्याच्या वेगवेगळ्या कलमांतर्गत विविध सूट उपलब्ध आहेत.

इन्व्हेस्टमेंट आणि इन्शुरन्स वर सूट
उदाहरणार्थ, सामाजिक सुरक्षा आणि गुंतवणुकीला आयकर कायद्याच्या कलम 80C अंतर्गत सूट देण्यात आली आहे. यामध्ये EPF, PPF मधील गुंतवणूक, लाईफ इन्शुरन्स प्रीमियम, सुकन्या समृद्धी योजना, टॅक्स सेव्हिंग म्युच्युअल फंड आणि टॅक्स सेव्हिंग FD या पर्यायांचा समावेश आहे.

सध्याच्या नियमांमध्ये, एकूण 1.5 लाख रुपयांपर्यंतच्या गुंतवणुकीवर इन्कम टॅक्स सूट उपलब्ध आहे. दोन मुलांसाठीची ट्यूशन फी, होम लोनची मुद्दल रक्कम, घर खरेदीसाठीची स्टॅम्प ड्युटी आणि रजिस्ट्रेशन चार्ज हे देखील कलम 80C चा भाग आहेत आणि याद्वारे इन्कम टॅक्स सवलतीचा क्लेम करता येईल. नॅशनल पेन्शन सिस्टम (NPS) मधील गुंतवणुकीला कलम 80CCD(2D) अंतर्गत बेसिक सॅलरीच्या 10 टक्क्यांपर्यंतच्या गुंतवणुकीवर टॅक्स सूट मिळते.

होम लोनच्या व्याजात सवलत
इन्कम टॅक्सच्या कलम 24B अंतर्गत होम लोनच्या व्याजावर सूट देण्यात आली आहे. होम लोनच्या मासिक हप्त्यावर एकूण 2 लाख रुपयांपर्यंतची सूट उपलब्ध आहे. होम लोनच्या हप्त्याव्यतिरिक्त, आपल्याला घराच्या दुरुस्तीसाठी 30,000 रुपयांपर्यंतच्या कर्जावरही टॅक्स सूट मिळते.

हेल्थ इन्शुरन्स प्रीमियम सवलत
इन्कम टॅक्स कायद्याच्या कलम 80D अंतर्गत हेल्थ इन्शुरन्स प्रीमियमवर टॅक्स सूट मिळू शकते. यामध्ये पॉलिसीधारकाच्या प्रीमियमवर टॅक्स सूट मिळते. या विभागात रु.25,000 पर्यंतच्या प्रीमियमवर सूट मिळू शकते. पालकांसाठी हेल्थ इन्शुरन्स देखील रु. 25-30000 च्या प्रीमियमवर मिळू शकतो. पालकांच्या आणि स्वतःच्या हेल्थ इन्शुरन्सवर 55,000 रुपयांपर्यंतच्या प्रीमियमवर टॅक्स सूट मिळू शकते.

शैक्षणिक कर्जावर सवलत
कलम 80E अंतर्गत, स्वत:च्या, जोडीदारासाठी किंवा मुलांच्या शिक्षणासाठी घेतलेल्या कर्जावरील व्याजात सूट दिली जाते. कर्ज पूर्णवेळ उच्च शिक्षणासाठी घेतले पाहिजे, अशी सूट मिळण्याची अट आहे.

डोनेशनवर सवलत
कलम 80G अंतर्गत देणगीच्या रकमेवरही सूट देण्यात आली आहे. सरकारने अधिसूचित निधीमध्ये डोनेशन दिल्यावर, संपूर्ण रकमेवर टॅक्स सूट उपलब्ध आहे.

संजय राऊतांकडून शरद पवार आणि राष्ट्रवादीची पालखी वाहण्याचे काम; दरेकरांची टीका

By

Santosh Gurav

-

Sunday, 30 January 2022, 2:59

हॅलो महाराष्ट्र ऑनलाईन । शिवसेना आणि भाजप यांच्यातील युतीवरून शिवसेना खासदार संजय राऊत यांच्याकडून भाजपवर निशाणा साधला जात आहार. यावरून भाजप नेते प्रवीण दरेकर यांनी राऊतांवर हल्लाबोल केला आहे. “राऊतांना शिवसेना आणि शेतकऱ्याच्या प्रश्नाबाबत काही देणेघेणे पडलेले नाही. त्यांच्याकडून शरद पवार आणि राष्ट्रवादी काँग्रेसची पालखी वाहण्याचे काम केले जात आहे, अशी टीका दरेकर यांनी केली आहे.

प्रवीण दरेकर यांनी आज माध्यमाशी संवाद साधला. यावेळी त्यांनी शिवसेना खासदार संजय राऊत यांनी वाईनच्या मुद्यांवरून भाजपवर केलेल्या टीकेचा समाचार घेतला. यावेळी दरेकर म्हणाले की, राज्य सरकारने घेतलेला निर्णय हा शेतकऱ्याच्या हितासाठी आहे असे राऊत म्हणत आहेत. मात्र, राऊतांना शेतकऱ्यांचे प्रश्न आणि शिवसेना यांच्याबाबत काहीही देणेघेणे पडलेले नाही. ज्या ज्या वेळी भाजप आणि शिवसेना एकत्रित येईल असे वाटते. त्यावेळी राऊत विरोधाभास निर्माण करणारे लिखाण करण्याचे काम करतात.

🎥 थेट प्रक्षेपण 🎥

प्रसार माध्यमांशी संवाद

📍 अंवती शासकीय निवासस्थान, मुंबईhttps://t.co/DJzf4LOPRV

— Pravin Darekar – प्रविण दरेकर (@mipravindarekar) January 30, 2022

वास्तविक, राऊतांना शरद पवार आणि राष्ट्रवादी काँग्रेस पक्ष याचे पालखी वाहण्याचे काम करत आहेत. कोरोनाचे प्रश्न आहेत. अशीबाबत बोलण्यापेक्षा संजय राऊत हमारी तुमरीची विधाने करत आहेत. सकाळ, दुपार, संध्याकाळ यांच्याकडून टीका केली जातेय, याकडे फारसे लक्ष देण्याची गरज वाटत नसल्याचे दरेकर यांनी सांगितले.

Budget 2022 : फिनटेक कंपन्यांना अर्थसंकल्पातून आर्थिक समावेशासाठी इन्सेंटिव्ह मिळण्याची अपेक्षा

By

Akshay Patil

-

Sunday, 30 January 2022, 2:42

नवी दिल्ली । अर्थमंत्री निर्मला सीतारामन 1 फेब्रुवारी 2022 रोजी 2022-23 या आर्थिक वर्षासाठी केंद्रीय अर्थसंकल्प सादर करणार आहेत. त्याच वेळी, फिनटेक इंडस्ट्रीने आगामी अर्थसंकल्पात कर कपातीची मागणी केली आहे, आर्थिक समावेशनाला (Financial Inclusion) चालना देण्यासाठी आणि लेस कॅश इकोनॉमीकडे वाटचाल करण्यासाठी फायनान्शिअल आणि नॉन- फायनान्शिअल दोन्ही इन्सेंटिव्हज (Incentives) यावर जोर देणे गरजेचे आहे.

फिनटेक इंडस्ट्री आणि तज्ञांनी अर्थमंत्री निर्मला सीतारामन यांना TDS चे दर कमी करण्याची विनंती करताना म्हटले की,”अशा प्रकारच्या हालचालीमुळे सरकारी महसुलावर कोणताही परिणाम न होता फिनटेक सेक्टरसाठी भांडवल उपलब्ध होईल.”

डिजिटल कर्जासाठी चांगले व्यावसायिक वातावरण निर्माण करण्याची गरज आहे
नितीन जैन, भागीदार (फायनान्शिअल सर्व्हिसेस), PwC इंडिया म्हणाले की,”डिजिटल कर्जाशी संबंधित व्यवसायिक वातावरण सुनिश्चित करण्यासाठीचे पात्रता निकष, शॉर्ट टर्म क्रेडिट, लोन सर्विस प्रोव्हाइडर्ससोबत पार्टनरशिप गाईडलाईन्स, डेटा गव्हर्नन्स मानदंड, पारदर्शकता मानदंड आवश्यक आहेत.”

महिलांच्या डिजिटल आर्थिक समावेशावर भर देण्याची मागणी
स्टॅशफिनच्या सह-संस्थापक श्रुती अग्रवाल म्हणाल्या की,”महिलांच्या आर्थिक सक्षमीकरणामुळे त्यांचे कुटुंब आर्थिकदृष्ट्या मजबूत होते आणि प्रत्येक महिलेच्या डिजिटल आर्थिक समावेशावर विशेष भर देऊन बजटमध्ये हे तत्त्व लक्षात ठेवणे चांगले होईल.”

SecureNow चे सह-संस्थापक कपिल मेहता म्हणाले, “अर्थसंकल्पात फिनटेक स्टार्ट-अप्ससाठी TDS चा दर एक टक्क्याने कमी केल्यास ते खूप उपयुक्त ठरेल. यामुळे खूप आवश्यक खेळते भांडवल उपलब्ध होईल आणि तिजोरीचे कोणतेही नुकसान होणार नाही कारण तोटा करणाऱ्या कंपन्यांना TDS परत केला जातो.”

अर्थसंकल्प 2022: संसदेचे अर्थसंकल्पीय अधिवेशन 31 जानेवारीपासून सुरू होणार आहे
विशेष म्हणजे, यावेळी संसदेचे अर्थसंकल्पीय अधिवेशन 31 जानेवारी रोजी दोन्ही सभागृहांना राष्ट्रपतींच्या अभिभाषणाने सुरू होईल आणि 8 एप्रिल रोजी संपेल. 1 फेब्रुवारी 2022 रोजी देशासमोर सर्वसाधारण अर्थसंकल्प सादर होणार आहे. सत्राचा पहिला भाग 11 फेब्रुवारीला संपणार आहे. एक महिन्याच्या विश्रांतीनंतर, सत्राचा दुसरा भाग 14 मार्चपासून सुरू होईल आणि 8 एप्रिल रोजी संपेल.

सेन्सेक्समधील टॉप 10 कंपन्यांपैकी नऊ कंपन्यांच्या मार्केट कॅपमध्ये झाली 3 लाख कोटी रुपयांची घट

By

Akshay Patil

-

Sunday, 30 January 2022, 2:09

नवी दिल्ली । सेन्सेक्समधील टॉप 10 कंपन्यांपैकी नऊ कंपन्यांची मार्केट कॅप गेल्या आठवड्यात 3 लाख कोटी रुपयांहून अधिकने घसरली. शेअर बाजारातील प्रचंड विक्रीमुळे टॉपच्या 10 कंपन्यांपैकी नऊ कंपन्यांची मार्केट कॅप 3,09,178.44 कोटी रुपयांनी घसरली. 30 शेअर्सचा बीएसई सेन्सेक्स गेल्या आठवड्यात 1,836.95 अंकांनी किंवा 3.11 टक्क्यांनी घसरला. भू-राजकीय तणावादरम्यान जागतिक बाजारातील विक्रीमुळे स्थानिक शेअर बाजारही खाली आले.

SBI ची मार्केट कॅप
गेल्या आठवड्यात टॉप 10 कंपन्यांच्या लिस्टमध्ये फक्त स्टेट बँक ऑफ इंडिया (SBI) ची मार्केट कॅप वाढली. आठवडाभरात SBI ची मार्केट कॅप 18,340.07 कोटी रुपयांनी वाढून 4,67,069.54 कोटी रुपयांवर पोहोचली.

रिलायन्स इंडस्ट्रीज, टाटा कन्सल्टन्सी सर्व्हिसेस (TCS), HDFC बँक, इन्फोसिस, ICICI बँक, हिंदुस्तान युनिलिव्हर लि., HDFC, बजाज फायनान्स आणि भारती एअरटेल यांच्या मार्केट कॅपमध्ये समीक्षाधीन आठवड्यात घट झाली.

TCS मध्ये झाली घट
रिलायन्स इंडस्ट्रीजची मार्केट कॅप 96,512.22 कोटी रुपयांनी घसरून 15,79,779.47 कोटी रुपये झाली. रिलायन्स इंडस्ट्रीजला सर्वाधिक फटका बसला. TCS ची मार्केट कॅप 53,488.29 कोटींच्या तोट्यासह 13,65,042.43 कोटींवर घसरली.

इन्फोसिसची मार्केट कॅप 42,392.63 कोटी रुपयांनी घसरून 7,08,751.77 कोटी रुपये आणि HDFC बँकेची मार्केट कॅप 8,11,061.12 कोटी रुपयांनी घसरून 31,815.01 कोटी रुपये झाली.

आयसीआयसीआय बँक
बजाज फायनान्सची मार्केट कॅप 30,333.64 कोटी रुपयांनी घसरून 4,14,699.49 कोटी रुपये आणि आयसीआयसीआय बँकेची मार्केट कॅप 16,291.53 कोटी रुपयांनी घसरून 5,42,407.86 कोटी रुपये झाली. भारती एअरटेलची मार्केट कॅप 15,814.77 कोटी रुपयांनी घसरून 3,93,174.23 कोटी रुपयांवर आली.

रिलायन्स इंडस्ट्रीज पहिल्या स्थानावर कायम आहे
HDFC ची मार्केट कॅप 13,319.96 कोटी रुपयांनी घसरून 4,56,102.42 कोटी रुपये आणि हिंदुस्तान युनिलिव्हरची मार्केट कॅप 9,210.39 कोटी रुपयांनी घट होऊन ती 5,36,411.69 कोटी रुपयांवर आली.

टॉप 10 कंपन्यांच्या लिस्टमध्ये रिलायन्स इंडस्ट्रीज पहिल्या स्थानावर कायम आहे. त्यापाठोपाठ टीसीएस, एचडीएफसी बँक, इन्फोसिस, आयसीआयसीआय बँक, हिंदुस्थान युनिलिव्हर, एसबीआय, एचडीएफसी, बजाज फायनान्स आणि भारती एअरटेल यांचा क्रमांक लागतो.

“महात्मा गांधी यांचा नथुराम गोडसेने वध केला”; नाना पटोलेंचं वक्तव्य

By

Santosh Gurav

-

Sunday, 30 January 2022, 2:07

हॅलो महाराष्ट्र ऑनलाईन । महाराष्ट्र प्रदेश काँग्रेस कमिटीचे अध्यक्ष नाना पटोले यांच्याकडून अनेकवेळा वादग्रस्त वक्तव्य करण्यात आले आहे. त्यामुळे त्यांच्यावर भाजपकडून टीकाही करण्यात आली आहे. दरम्यान पटोले यांनी राष्ट्रपिता महात्मा गांधी यांच्याबाबत आणखी एक वक्तव्य केले आहे. आजच्याच दिवशी महात्मा गांधी यांचा वध नथुराम गोडसेने केला,” असा उल्लेख पटोले यांनी केला आहे.

राष्ट्रपिता महात्मा गांधी यांच्या 74 व्या पुण्यतिथीनिमित्त आयोजित एका कार्यक्रमास नाना पटोले यांनी उपस्थिती लावली. यावेळी त्यांनी भाषणादरम्यान एक वक्तव्य केले. यावेळी ते म्हणाले की, आजच्या दिवशी पहिला आतंकवादी या देशामध्ये महात्मा गांधी यांच्या हत्येच्या निमित्ताने नथुराम गोडसे नावाने पुढे आला. आणि आजच्या दिवशी महात्मा गांधी यांचा वध नथुराम गोडसेनी केला, असे पटोले यांनी म्हंटले आहे.

दरम्यान, पटोले यांच्याकडून भाषणादरम्यान केल्या गेलेल्या उल्लेखामुळे यावर आक्षेप घेतला जात आहे. भाजप नेत्यांकडून आता पटोलेंवर निशाणा साधला जाणार यात शंका नाही. यापूर्वीही पटोले यांनी मोदी असा उल्लेख केल्यानंतर भाजप नेत्यांकडन राज्यभर आंदोलने करण्यात आली होती.

.. तर सचिनने 1 लाखांहून अधिक धावा केल्या असत्या – शोएब अख्तर

By

Akshay Patil

-

Sunday, 30 January 2022, 2:01

हॅलो महाराष्ट्र ऑनलाइन | पाकिस्तानचा माजी वेगवान गोलंदाज शोएब अख्तरने डीआरएस पद्धतीवर भाष्य करत सचिन तेंडुलकर बाबत मोठं विधान केलं आहे. आता तीन रिव्यू सिस्टीम आहेत. सचिन तेंडुलकर जर आजच्या युगात क्रिकेट खेळत असता तर त्याने 1 लाखांहून अधिक धावा केल्या असत्या असे शोएब अख्तरने म्हंटल

शोएब अख्तर म्हणाला, सध्याच्या नियमांचा फायदा फक्त फलंदाजांना होत आहे. “तुम्ही आता एकदिवसीय क्रिकेटमध्ये दोन नवीन चेंडूंसह खेळता. त्यातच आता आता तीन रिव्ह्यूचा नियमही ठेवण्यात आला आहे. सचिन तेंडुलकरच्या काळात हाच नियम असता तर त्याने एक लाखाहून अधिक धावा केल्या असत्या. सचिनने त्याच्या काळात कठीण गोलंदाज खेळले आहेत असेही त्याने म्हंटल

शोएब म्हणाला, “मला सचिनची खरोखर दया येते, तो सुरुवातीला वसीम अक्रम आणि वकार युनिसविरुद्ध खेळला, तो शेन वॉर्नविरुद्ध खेळला, त्यानंतर त्याचा सामना ब्रेट ली आणि शोएब अख्तरशी झाला. यानंतर तो वेगवान गोलंदाजांच्या पुढच्या पिढीतही खेळला. म्हणूनच मी त्याला खूप चांगला फलंदाज मानतो.” सचिनच्या नावावर आंतरराष्ट्रीय क्रिकेटमध्ये 100 शतके आहेत. त्याने एकदिवसीय क्रिकेटमध्ये 18 हजार आणि कसोटी क्रिकेटमध्ये 15 हजारांहून अधिक धावा केल्या आहेत.

निवडणूक लांबल्याने ‘या’ मिनी मंत्रालयावर येणार प्रशासक राज

By

Akshay Patil

-

Sunday, 30 January 2022, 1:47

सांगली प्रतिनिधी । प्रथमेश गोंधळे

मिनी मंत्रालयाच्या निवडणुकीचा कार्यक्रम जानेवारीत अपेक्षित होता. मात्र ओबीसी आरक्षण, मतदारसंघ पुनर्रचना आणि आरक्षण सोडत जाहीर झालेली नसल्याने जिल्हा परिषद आणि पंचायत समिती निवडणुका लांबणीवर पडणार असल्याचे स्पष्ट दिसते. ओबीसी आरक्षणाशिवाय निवडणुका घेऊ नयेत, या मागणीवर राज्य सरकार आग्रही आहे, परंतु निवडणूक विभागाने अद्याप प्रशासनाची भूमिका गुलदस्त्यांत ठेवली आहे.

निवडणूक लांबल्याने विद्यमान सभागृहाला मुदतवाढ देण्याची मागणी जोर धरत असली तरी उपमुख्यमंत्री आणि ग्रामविकासमंत्र्यांनीच जिल्हा परिषदेवर प्रशासक येण्याचे संकेत दिले आहेत. त्यानुसार 21 मार्चपासून मिनी मंत्रालयावर प्रशासक राज येईल. विद्यमान सभागृहाकडे अवघे 50 दिवस उरले असून हातातील कामे मार्गी लावण्याचे आव्हान पेलावे लागेल. राज्यातील 26 जिल्हा परिषदांचा कार्यकाळ संपण्यास अवघे पावणेदोन महिने शिल्लक राहिले असले; तरी अद्यापही या निवडणुकीसाठी आवश्यक असलेल्या गट व गणांच्या पुनर्रचनेस सुरुवात झालेली नाही.

याबाबत जिल्हाधिकारी कार्यालयांना कोणत्याही सूचना मिळालेल्या नाहीत. त्यामुळे यंदा जिल्हा परिषदांच्या निवडणुका नियोजित मुदतीत होणार नसल्याचे स्पष्ट झाले आहे. सांगली जिल्हा परिषदेची आणि जिल्ह्यातील दहा पंचायत समित्यांची निवडणूक लांबणीवर पडणार असल्याचे स्पष्ट संकेत मिळाले आहेत. निवडणूक प्रक्रिया सुरू होण्यापूर्वी किमान सहा महिने गट व गणांची पुनर्रचना अंतिम होणे आणि त्यानंतर गट व गणनिहाय आरक्षण सोडत काढणे आवश्यक असते. यापैकी एकही प्रक्रिया अद्याप सुरू झालेली नाही.

“महाविकास आघाडी सरकारमध्ये मित्र पक्षांवर अन्याय, अन्यथा आम्ही नवीन मित्रपक्ष शोधू”: प्रा. जोगेंद्र कवाडे

By

Akshay Patil

-

Sunday, 30 January 2022, 1:41

सांगली प्रतिनिधी । प्रथमेश गोंधळे

“राज्यात महाविकास आघाडीचे सरकार बनविण्यासाठी मित्रपक्षांनीही हातभार लावला आहे, पण सत्ता मिळून अडीच वर्षे झाली तरीही मित्रपक्षांना सत्तेत वाटा मिळालेला नाही. ही राजकीय नीतिमत्ता म्हणता येणार नाही. मित्रपक्षांनी यासंदर्भात वारंवार आठवण करून दिली, तरीही दुर्लक्ष केले जात आहे. आघाडीतील नेत्यांनी गांभीर्याने विचार करावा अन्यथा आम्हाला नवीन मित्रपक्ष शोधावा लागेल,” असा इशारा त्यांनी यावेळी दिला. राष्ट्रीय स्वयंसेवक संघाचा अनुयायी असलेल्या अमोल कोल्हेचा नवा चित्रपट राज्यात प्रदर्शित होऊ देणार नाही.

“गांधीहत्येचे समर्थन कदापि सहन केले जाणार नाही. राज्य सरकारनेही चित्रपटाला परवानगी देऊ नये. मंत्री जितेंद्र आव्हाड यांनी डॉ. कोल्हे यांच्या भूमिकेला विरोध केला आहे. आम्ही देखील आवाडेंच्या म्हणण्याशी सहमत आहोत. कोल्हेंना पक्षात घेतलेच कसे? असा आमचा प्रश्न आहे. सरकारने चित्रपटाला परवानगी दिली आणि तो प्रदर्शित झाला, तर राज्यभरात चित्रपटगृहांवर हल्लाबोल करू”,असा इशारा हि पिपल्स रिपब्लीकन पक्षाचे अध्यक्ष जोगेंद्र कवाडे यांनी दिला.

पीपल्स रिपब्लिकन पक्षाचे राष्ट्रीय अध्यक्ष जोगेंद्र कवाडे हे सांगली जिल्हा दौर्‍यावर आले होते. त्यावेळी त्यांनी पत्रकारांशी संवाद साधला. यावेळी बोलताना कवाडे म्हणाले, “रिपब्लीकन ऐक्यासाठी बाळासाहेब आंबेडकर यांना अनेकदा विनंत्या केल्या, पण रिपब्लीकन पक्षाशी देणे घेणे नाही असे त्यांचे म्हणणे होते. ऐक्याचे वारंवार आवाहन करणारे आठवले बाळासाहेबांना कितीवेळा भेटले हे देखील महत्वाचे आहे. आठवलेंनी स्वत: भेटून प्रयत्न करावेत. एमआयएमसह अन्य पक्षांना सोबत घेणार्‍या बाळासाहेबांना रिपब्लीकनबाबत दुजाभाव का? हे कळत नाही. 1998 मध्ये रिपब्लीकनच्या तिकिटावरच अकोल्यातून खासदार म्हणून निवडून गेले होते, हे लक्षात ठेवावे. ते येणारच नसतील, तर त्यांना सोडून ऐक्याचे प्रयत्न करावे लागतील”, असे मतही त्यांनी यावेळी व्यक्त केले.