पंतप्रधानांच्या अध्यक्षतेखाली 30 जानेवारी रोजी सर्व पक्षांशी होणार बैठक, 2021 च्या बजेटशी संबंधित मुद्द्यांवर होणार चर्चा

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

नवी दिल्ली । पंतप्रधान नरेंद्र मोदी (PM Narendra Modi) संसदेच्या अर्थसंकल्पीय अधिवेशनापूर्वी 30 जानेवारी रोजी सर्वपक्षीय बैठक घेतील. ही सर्वपक्षीय बैठक व्हिडिओ कॉन्फरन्सिंगद्वारे होईल. संसदेचे अर्थसंकल्पीय अधिवेशन 29 जानेवारीपासून सुरू होणार आहे. अधिवेशनात 1 फेब्रुवारी रोजी संसदेमध्ये 2021-22 या आर्थिक वर्षाचा सर्वसाधारण अर्थसंकल्प सादर केला जाईल.

संसदीय कार्यमंत्री प्रल्हाद जोशी (Prahlad Joshi) यांनी बुधवारी ही माहिती दिली. कोरोना व्हायरसमुळे सर्व-पक्षीय बैठक व्हिडिओ-कॉन्फरन्सिंगद्वारे होईल. लोकसभा सचिवालयाच्या निवेदनानुसार दोन भागांत अर्थसंकल्पीय अधिवेशन 8 एप्रिलपर्यंत चालणार आहे. अर्थसंकल्पीय सत्राचा पहिला टप्पा 29 जानेवारीपासून सुरू होईल व 15 फेब्रुवारीपर्यंत चालणार आहे तर दुसरा टप्पा 8 मार्च ते 8 एप्रिल या कालावधीत चालतील.

मागील पावसाळी अधिवेशनाप्रमाणे यावेळेसही संसदेच्या दोन्ही सभागृहांची बैठक वेगवेगळ्या शिफ्टमध्ये होणार आहे. दुपारी 4 ते 9 या वेळेत लोकसभेची बैठक होईल तेव्हा दुपारी राज्यसभेची बैठक होईल. कोविड -१९ च्या दृष्टीकोनातून आरोग्य उपायांच्या अंतर्गत हे पाऊल उचलले गेले आहे.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.

Leave a Comment