हॅलो महाराष्ट्र ऑनलाईन । Fixed Deposit हा गुंतवणूकीचा सर्वात लोकप्रिय प्रकार आहे. अनेक लोकं आपले पैसे FD मध्ये ठेवण्यास प्राधान्य देतात कारण इक्विटीमध्ये गुंतवणूक करण्यापेक्षा FD ही अधिक सुरक्षित मानली जाते. FD व्याज स्वरूपात निश्चित परतावा देतात. अनेक बँका Fixed Deposit वर 7.5% ते 8.5% पर्यंतचे व्याज दर देत आहेत.
स्टेट बँक ऑफ इंडिया, आयसीआयसीआय बँक, एचडीएफसी बँक, अ‍ॅक्सिस बँक यासारख्या मोठ्या पैसे देणाऱ्या बँकांनी 7 दिवस ते दहा वर्षांची FD उघडण्याची संधी दिली आहे. काही स्मॉल फायनान्स बँका सर्वसाधारण ग्राहकांना 8 टक्के आणि ज्येष्ठ नागरिकांना 8.5 टक्के व्याज देत आहेत. कोरोनाव्हायरसच्या महामारीमध्ये या बँकांनी आपल्या व्याज दरात कपात केली आहे. पूर्वी या बँका 9 टक्क्यांपर्यंत व्याज दराची ऑफर देत होत्या.
जना स्मॉल फायनान्स बँक – जना स्मॉल फायनान्स बँक 7 दिवस ते 10 वर्षाच्या फिक्स डिपॉझिटवर 3.50% ते 7.50% व्याज दर देत आहे. ज्येष्ठ नागरिकांना एफडीवर 50 बेसिस पॉईंट्स जास्त व्याज दर देण्यात येत आहे. मॅच्युरिटी कालावधीत दोन वर्ष ते 3 वर्षांपर्यंत बँक सर्वाधिक व्याज दर देत आहेत. सर्वसाधारण ग्राहकांना एफडीवर बँक 7.50 टक्के आणि ज्येष्ठ नागरिकांना 8 टक्के व्याज देत आहे.
उत्कर्ष स्मॉल फायनान्स बँक – ही छोटी फायनान्स बँक सर्वसाधारण ग्राहकांना 7 दिवस ते 10 वर्षांच्या एफडीवर 3.25% ते 8% व्याज तर ज्येष्ठ नागरिकांना 3.75% ते 8.50% व्याज दर देत आहे. मॅच्युरिटी कालावधीसाठी 700 दिवसांच्या कालावधीत बँक सर्वाधिक व्याज देते.
सुर्योदय स्मॉल फायनान्स बँक – सूर्यदय स्मॉल फायनान्स बँक आपल्या ग्राहकांना किमान 1,000 रुपये डिपॉझिटवर रेगुलर फिक्स्ड डिपॉझिट उघडण्यास परवानगी देते. सूर्यदार बँक सर्वसाधारण ग्राहकांना एफडीवर 4% ते 8.25% व्याज तर ज्येष्ठ नागरिकांना 4.5% ते 8.60% व्याज देते. 5 वर्षांच्या मॅच्युरिटी कालावधीत बँक सर्वाधिक व्याज देते.
नॉर्थ ईस्ट स्मॉल फायनान्स बँक – नॉर्थ ईस्ट स्मॉल फायनान्स बँक 7 दिवस ते 10 वर्षांच्या एफडीवर सामान्य नागरिकांना 4% ते 8% व्याज तर ज्येष्ठ नागरिकांना 4.5% ते 8.50% व्याज देते. 730 दिवसांपासून ते 1095 दिवसांपेक्षा कमी कालावधीत, बँक मॅच्युरिटीच्या कालावधीत सर्वाधिक व्याज देते.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.