हॅलो महाराष्ट्र ऑनलाईन । प्रत्येकाला आपली गुंतवणूक लवकरात लवकर दुप्पट करायची असते, परंतु बर्‍याचदा चांगले रिटर्न कुठे आणि कसे मिळवायचे याची कोणालाही माहिती नसते. यावर, तज्ञांचे असे म्हणणे आहे की, हाय रिटर्न हा नेहमीच केवळ उच्च जोखमीच्या ठिकाणीच मिळतो. मात्र प्रत्येकजण हे करू शकत नाही. तेव्हा आता प्रश्न असा उपस्थित होतो की, सध्या असे कोठे मिळत आहे? खाली दिलेल्या माहितीमध्ये जाणून घ्या की बचत खात्यापेक्षा कोणत्या सरकारी योजनेमध्ये डबल रिटर्न आणि टॅक्स बेनेफिट मिळतो आहे…
ही योजना नॅशनल सेव्हिंग सर्टिफिकेट (NSC) आहे.
भारत सरकारने दिलेली एक छोटी बचत योजना आहे जिला पोस्ट ऑफिस चालवते. आता 1 एप्रिलपासून देशातील टपाल कार्यालये पेमेंट बँकांमध्ये रूपांतरित केली जातील, त्यानंतर ती अधिकच सुलभ होईल. NSC शी संबंधित एक चांगली गोष्ट म्हणजे आपण केवळ शंभर रुपयात देखील गुंतवणूक करू शकता. ज्याप्रमाणे 100, 500, 2000 च्या नोटा असतात, त्याचप्रमाणे NSC ची देखील 100, 500, 1000, 5000 च्या सर्टिफिकेट उपलब्ध आहेत. त्यात गुंतवणूकीला कोणतीही मर्यादा नाही. आपण आपल्या क्षमतेनुसार कोणत्याही रकमेची NSC खरेदी करू शकता.
कोण गुंतवणूक करू शकेल
कोणतीही व्यक्ती त्यात गुंतवणूक करू शकते. आपण आपल्या मुलांच्या नावे देखील हे खरेदी करू शकता. या सर्टि‍फि‍केटसचा मॅच्युरिटी कालावधी 5 वर्षांचा आहे. यामध्ये व्याज हे दरवर्षी जोडले जाते आणि हे पैसे कपांउड इंटरेटस्‍टमुळे सतत वाढतात. आपण लावलेल्या 100 रुपयांची रक्कम 5 वर्षानंतर 144 रुपये असेल. येथे लक्षात ठेवण्यासारखी गोष्ट म्हणजे कर सवलत केवळ दीड लाखांपर्यंतच्या गुंतवणूकीवर उपलब्ध आहे. या योजनेचे सर्वात मोठे वैशिष्ट्य म्हणजे ही योजना सरकारची आहे. म्हणजेच आपले पैसे पूर्णपणे सुरक्षित आहेत आणि दुसरे म्हणजे आपल्याला जितके पैसे सरकारने सांगितले तितके पैसेच मिळतील. या व्यतिरिक्त तुम्हाला आणखी काही करण्याची गरज नाही.
सर्टिफिकेट कोठे खरेदी करावे
नॅशनल सेव्हिंग सर्टिफिकेट हे मध्यम ते दीर्घ मुदतीच्या गुंतवणूकीचे आहे. याद्वारे गुंतवणूकदारास निश्चित व्याज दराने परतावा मिळतो. खास गोष्ट म्हणजे ती भारत सरकारच्या पोस्ट ऑफिस योजनेंतर्गत रिलीज केली जाते. आपण आपल्या नजीकच्या पोस्ट ऑफिस वरून नॅशनल सेव्हिंग सर्टिफिकेट खरेदी करू शकता. नॅशनल सेव्हिंग सर्टिफिकेट खरेदी करणे ही एक सोपी प्रक्रिया आहे, आपण कोणत्याही पोस्ट ऑफिसमधून ते खरेदी करू शकता. होय, हे लक्षात ठेवा की नॅशनल सेव्हिंग सर्टिफिकेट खरेदी करण्यासाठी आपल्याकडे काही आवश्यक कागदपत्रे आपल्याकडे ठेवावी लागतील. आपल्याला आपली माहिती फॉर्मद्वारे द्यावी लागेल, ज्यामध्ये आपल्याला नाव आणि आपल्या गुंतवणूकीची रक्कम सांगावी लागेल. आपल्याला नॅशनल सेव्हिंग सर्टिफिकेट खरेदी करण्यासाठी सहाय्यक दस्तऐवजाची आवश्यकता असू शकते. आपणनॅशनल सेव्हिंग सर्टिफिकेट चेक किंवा रोख रकमेद्वारे खरेदी करू शकता. यात चेकद्वारे पैसे भरल्यानंतरच खाते उघडले जाईल.
नॅशनल सेव्हिंग सर्टिफिकेटची मॅच्युरिटी
त्याचा मॅच्युरिटीचा कालावधी 5 वर्षे आहे. चांगली गोष्ट अशी आहे की, जर आपण काही अटी पूर्ण केल्या तर 1 वर्षाच्या मुदतीनंतरही आपण आपल्या खात्याची रक्कम काढू शकता. नॅशनल सेव्हिंग सर्टिफिकेटमध्ये दर 3 महिन्यांनी व्याज दर बदलला किंवा निश्चित केला जातो. म्हणूनच गुंतवणूकदाराने वाढत्या व्याजदरासह गुंतवणूकीची रक्कमही बदलली पाहिजे.
विशेष म्हणजे 18 वर्षाखालील म्हणजेच अल्पवयीन मुलांनाही या योजनेचा लाभ मिळू शकेल. यासाठी त्यांच्या पालकांना 18 वर्षापेक्षा कमी वयाच्या मुलांच्या नावावर नॅशनल सेव्हिंग सर्टिफिकेट खरेदी करावे लागेल. दोन प्रौढ लोकही जॉईंट स्कीम द्वारे त्यात गुंतवणूक करु शकतात. त्याच वेळी अनिवासी भारतीय (NRI) आणि हिंदू अविभाजित कुटुंब (HUF) यांना या योजनेचा लाभ मिळू शकत नाही. आपण नॅशनल सेव्हिंग सर्टिफिकेट एका पोस्ट ऑफिसमधून दुसऱ्या कार्यालयातही ट्रान्सफर करू शकता. आपण नॅशनल सेव्हिंग सर्टिफिकेट हे एका व्यक्तीकडून दुसर्‍या व्यक्तीस देखील ट्रान्सफर करू शकता.
हे फायदे टॅक्स सवलतींसह उपलब्ध असतील
सर्वात चांगली गोष्ट म्हणजे नॅशनल सेव्हिंग सर्टिफिकेटमध्ये तुम्हाला कर बचत करण्याचा पर्याय देखील मिळेल. आयकर कायदा 80C अंतर्गत तुम्हाला कर सवलतीचा लाभ मिळतो. नॅशनल सेव्हिंग सर्टिफिकेटमध्ये गुंतवणूक करून तुमचा टीडीएस वजा केला जात नाही. यामध्ये तुम्ही वेळेपूर्वी पैसेही काढू शकता पण त्यासाठी तुम्हाला दंड भरावा लागेल. एनएससीच्या नॅशनल सेव्हिंग सर्टिफिकेटमध्ये बँक आणि वित्तीय संस्थांकडून कर्ज घेता येऊ शकते. याशिवाय नॅशनल सेव्हिंग सर्टिफिकेट मध्ये चेकबुकची सुविधा देखील उपलब्ध आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”
