फ्रँकफर्ट । जेव्हा जर्मनीच्या फ्रँकफर्ट एअरपोर्टवर मास्क न वापरल्याबद्दल पोलिसांनी एका व्यक्तीला रोखले तेव्हा त्याने अल्लाहू अकबरचा नारा दिला आणि त्याला जिवे मारण्याची धमकी दिली. जेव्हा पोलिसांनी त्याला पकडण्याचा प्रयत्न केला, तेव्हा आरोपी प्रवासी आपले सामान ठेवून पळून गेला. यानंतर पोलिसांनी विमानतळ रिकामे केले आणि धमकी देणाऱ्या त्या व्यक्तीला बंदुकीच्या साहाय्याने पकडले. पकडला गेलेला हा प्रवासी स्लोव्हेनियाचा रहिवासी आहे. आरोपीने आपले सामान सोडून पळून जाण्यापूर्वी पोलिसांना धमकावले. तो म्हणाला, ‘अल्लाहू अकबर मी तुला ठार मारीन.’ त्यानंतर पोलिसांनी त्याचा पाठलाग केला आणि विमानतळाचे टर्मिनल -१ रिकामे केले. या घटनेच्या व्हायरल फुटेजमध्ये असे दिसते की, काही सशस्त्र अधिकारी आरोपींना घेराव घालत असताना इतर प्रवासी विमानतळाबाहेर गेले. एवढेच नव्हे तर विमानतळावरून धावणाऱ्या रेल्वे सेवाही बंद करण्यात आल्या.
विमानतळावर पोलिस प्रवक्त्याने सांगितले की, पोलिसांचे पथक स्लोव्हेनियनच्या मागे गेले. आरोपींनी पोलिसांशी त्वरित आक्रमक वागणूक दाखविली आणि म्हणाले, ‘अल्लाहू अकबर मी तुला ठार मारीन.’ पोलिसांनी सांगितले की, या आरोपीच्या अशा वागण्यामुळे पोलिसांना त्याचा धोका गंभीर असल्याचे समजले. यानंतर त्या व्यक्तीने तेथून पळून जाण्याचा प्रयत्न केला असता पोलिसांनी त्याला बंदूकच्या मदतीने अटक केली.
आरोपीच्य सुटकेसमुळे डिपार्चर हॉलचा एक मोठा भाग रिकामा केला गेला. दुसर्‍या टर्मिनलवर आणखी एक शस्त्र घेऊन उपस्थित असल्याची बातमी आली आहे. पोलिसांनी या दोन्ही घटनांमधील संबंध नाकारला नाही. या दोघांमुळे हा मोठा परिसर सुरक्षेच्या कक्षेत घेण्यात आला आणि तेथे उपस्थित लोकांना तेथून बाहेर काढण्यात आले. स्थानिक विमानतळ रात्री आठच्या सुमारास उघडण्यात आले. आता या आरोपीची चौकशी सुरू आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.