आता शेअर बाजारातही होणार Paytm चे वर्चस्व! सर्वांसाठी सुरु केली स्टॉक ब्रोकिंग सर्व्हिस, जाणून घ्या

हॅलो महाराष्ट्र ऑनलाईन । पेटीएम (One97 Communications) ची वेल्थ मॅनेजमेंट कंपनी पेटीएम मनीने देशातील प्रत्येकासाठी स्टॉक ब्रोकिंग एक्सेस उघडला आहे. या आर्थिक वर्षात 10 लाखाहून अधिक नवीन गुंतवणूकदारांची भर घालण्याचे कंपनीचे लक्ष्य आहे. शेअर बाजारात वाढणारी लोकांची आवड पाहून त्यांची सिस्टम सुकर केली आहे, असे कंपनीने म्हटले आहे. यासह डिलिव्हरी ऑर्डरवर कंपनी झिरो ब्रोकरेज आणि इंट्राडेसाठी केवळ 10 रुपये आकारत आहे. कंपनी डिजिटल केवायसीमार्फत लोकांचे पेपरलेस अकाउंट उघडत आहे.

कंपनी भारतातील सर्वात व्यापक ऑनलाइन वेल्थ मॅनेजमेंट प्लॅटफॉर्म (online wealth management platform) बनण्याचा प्रयत्न करीत आहे, जेणेकरून सर्वसामान्यांसाठी आर्थिक समावेश (financial inclusion) असू शकेल.

पेटीएमच्या मते, पेटीएम मनीला early access program अंतर्गत 2.2 लाखाहून अधिक गुंतवणूकदारांची नोंदणी मिळाली. यापैकी 65% युझर्स हे 18 ते 30 वर्षे या वयोगटातील आहेत. ठाणे, गुंटूर, बर्धमान, कृष्णा आणि आग्रा यासारख्या छोट्या शहरांतील लोकांना नोंदणीसाठी आकर्षित करणारे पेटीएम मनी मुंबई, बंगळुरू, हैदराबाद, जयपूर आणि अहमदाबाद यासारख्या टियर 1 शहरांमध्ये पोहोचले आहे.

पेटीएम मनीने आपला व्यवसाय सुरू केल्याला दोन वर्षे उलटली आहेत. कंपनीच्या एकूण युझर्सपैकी 70% फ़र्स्ट टाइम इनवेस्टर्स आहेत. तर 60 टक्के छोट्या शहरांतील आहेत. सध्या पेटीएम मनी दररोज 20 कोटी रुपयांच्या डायरेक्ट म्युच्युअल फंडाची विक्री करते. हे राष्ट्रीय पेन्शन योजना आणि स्टॉकची ऑफर देखील देते. पेटीएम मनीचे सीईओ वरुण श्रीधर आहेत. ते म्हणाले की,”आमचे ध्येय आहे की, लाखो भारतीयांना आत्मनिर्भर भारत याखाली वेल्थ सर्विस मिळू शकेल. गेल्या दोन वर्षात आम्ही छोट्या शहरांमधून अनेक गुंतवणूकदारांची भर घालत आहोत. त्यांना इनोवेटिव्ह आणि पर्सनलाइज्ड सर्विस दिली गेली आहे.

ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.

You might also like