Wednesday, February 8, 2023

सावधान! SBI ने आपल्या 42 कोटी ग्राहकांना केले सतर्क, चुकूनही करू नका ‘हे’ काम अन्यथा…

- Advertisement -

मुंबई । जर आपल्याकडे देशातील सर्वात मोठी सरकारी बँक असलेल्या एसबीआयचे खाते असेल तर आपल्यासाठी ही बातमी फार महत्वाची आहे. कोणत्याही सोशल मीडियावर तुम्हाला कोणत्याही प्रकारच्या बनावट मेसेजमध्ये अडकवू नये, यासाठी बँकेने ग्राहकांना सतर्क केले आहे. सध्याच्या दिवसात होत असलेल्या फसवणूकीबद्दल बँकेने ग्राहकांना सतर्क केले आहे. बँकेने असे म्हटले आहे की, फसवणूक करणारे सोशल मीडियावर बनावट किंवा दिशाभूल करणारे मेसेज पाठवत आहेत, सध्या असे कोणतेही मेसेज बॅंकांकडून ग्राहकांना पाठवले जात नाहीत.

सोशल मीडियावर सतर्क रहा
एसबीआयने ट्विटमध्ये ग्राहकांना सतर्क केले आहे. एसबीआयने सांगितले की, ग्राहकांना सोशल मीडियावर सावधगिरी बाळगण्याची विनंती असून कोणत्याही दिशाभूल करणाऱ्या आणि बनावट मेसेजमध्ये जाऊ नये. बँकेने म्हटले आहे की, जर आपण त्याची काळजी घेतली नाही तर तुमचे बँक खाते रिकामे केले जाऊ शकते.

- Advertisement -

https://twitter.com/TheOfficialSBI/status/1325659883027378176?ref_src=twsrc%5Etfw%7Ctwcamp%5Etweetembed%7Ctwterm%5E1325659883027378176%7Ctwgr%5Eshare_3&ref_url=https%3A%2F%2Fhindi.news18.com%2Fnews%2Fbusiness%2Fsbi-customers-are-requested-to-be-alert-on-social-media-and-not-fall-for-any-misleading-and-fake-messages-3332045.html

पर्सनल डिटेल्स कधीही शेअर करू नका
तसेच, ग्राहकांनी त्यांचे पर्सनल डिटेल्स कोणासोबतही शेअर करू नयेत. असे केल्याने ग्राहकांच्या खात्यातील डिपॉझिट्स चोरी केले जाऊ शकतात. आपण कधीही आपला एटीएम पिन, कार्ड नंबर, खाते क्रमांक आणि ओटीपी कोणाबरोबरही शेअर करू नये असे बँकेने म्हटले आहे.

बनावट वेबसाईटसंदर्भात सतर्कतेचा इशाराही देण्यात आला
एसबीआयच्या नावाने सुरू असलेल्या बनावट वेबसाइटबाबतही बँकेने अलर्ट जारी केला होता. एसबीआय ग्राहकांनी अशा वेबसाइटकडे लक्ष देऊ नये, असे या बँकेने म्हटले होते, जे या वेबसाइटवर पासवर्ड आणि आपल्या खात्याशी संबंधित माहिती अपडेट करण्यास सांगत आहेत.

बँक वेळोवेळी अलर्ट जारी करते
देशातील सर्वात मोठी बँकअसलेली एसबीआय आपल्या ग्राहकांच्या सुरक्षेसाठी वेळोवेळी सतर्कता जारी करते. ग्राहकांच्या पैशाचे रक्षण करणे हा एसबीआयचा उद्देश आहे. बँक आपल्या ट्विटर हँडल आणि एमएमएसद्वारे ग्राहकांना सतर्कतेचे मेसेज पाठवते.

एसबीआय ग्राहक अशा प्रकारे बॅलन्स तपासू शकतात
एसबीआयचा बॅलन्स जाणून घेण्यासाठी तुम्हाला आपल्या रजिस्टर्ड मोबाइल नंबरवरून टोल-फ्री नंबर ‘9223766666’ वर मिस कॉल करावा लागेल. एसएमएसमधून बॅलन्स जाणून घेण्यासाठी 9223766666 वर ‘BAL’ एसएमएस पाठवा. यानंतर, आपल्याला मेसेजद्वारे बॅलन्सची माहिती मिळेल. हे लक्षात ठेवा की, या सुविधेसाठी आपला मोबाइल नंबर बँकेत रजिस्टर केला जावा.

ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.