हॅलो महाराष्ट्र ऑनलाईन । चीनमधील उत्पादनांवर बहिष्कार टाकण्याच्या पार्श्वभूमीवर मंगळवारी The People’s Bank of China कडून भारतीय खासगी बँक असलेल्या ICICI Bank बँकेचा हिस्सा खरेदी केल्याची बातमी बाहेर आली. ऑल इंडिया बिझिनेस फेडरेशन (कॅट) ने अर्थमंत्री निर्मला सीतारमण यांना ICICI Bank आणि एनबीएफसी युनिट HDFC ला चीनमधील गुंतवणूक परत देण्याचे आदेश देण्याची विनंती केली. चीनची सेंट्रल बँक असलेल्या People’s Bank of China ( PBoC) ने HDFC आणि ICICI बँकेत हिस्सा खरेदी केला आहे.
ICICI बँकेने नुकतीच QIP-Qualified Institutional Placement द्वारे 350 गुंतवणूकदारांकडून 15,000 कोटी रुपये जमा केले. या पैकी एक गुंतवणूकदार म्हणजे People’s Bank of China ही आहे. PBoC ने ICICI बँकेत 15 कोटी शेअर्स खरेदी केले आहेत. यापूर्वीही PBoC ने HDFC तील 0.2 टक्के शेअर्स खरेदी करून आपली गुंतवणूक 1 टक्क्यांहून अधिक वाढविली आहे.
सरकारने गुंतवणूकीसाठीचे नियम केले कठोर
एप्रिलमध्ये शेजारच्या देशांकडून येणाऱ्या गुंतवणूकीसाठीचे नियम सरकारने कठोर केले. आता कोणत्याही शेजारील देशाने भारतात पैशांची गुंतवणूक केली तर त्याला शासनाची मान्यता घ्यावी लागेल. या निर्णयामध्ये ज्या देशांची सीमा भारताला मिळते त्या देशांचा समावेश आहे. चीनकडून येणारी गुंतवणूक थांबवण्यासाठीच हा निर्णय घेण्यात आला.
People’s Bank of China चे पैसे परत करा
कॉन्फेडरेशन ऑफ ऑल इंडिया ट्रेडर्सने या संपूर्ण प्रकरणाबद्दल म्हटले आहे की, भारतीय बँकिंग आणि वित्तीय क्षेत्रात घुसखोरी करण्याचा चीनचा स्पष्ट हेतू आहे. जे खूप मजबूत आहे आणि देशाच्या आर्थिक व्यवस्थेसाठी खूप महत्वाचे आहे. ते म्हणाले- परदेशी गुंतवणूकीच्या प्रणालीवर लक्ष ठेवण्यासाठी सरकारने प्रयत्न केले होते, परंतु रिझर्व्ह बँकेने चीनकडून येणारे फंडस् आणि गुंतवणूकीबाबत कोणतीही ठोस पावले उचलली नाहीत.
जुलैमध्ये भारताने 59 चीनी अ‍ॅप्सवर बंदी घातली, ज्यात टिकटॉक, हेलो आणि वीचॅट यांचा समावेश आहे. भारत सरकारची एकता आणि सार्वभौमत्व यावर होणारा धोका लक्षात घेता भारत सरकारने हा निर्णय घेतला.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.