हॅलो महाराष्ट्र ऑनलाईन । कोरोनाव्हायरस संकट सर्वात खाजगी क्षेत्रातील कर्मचार्‍यांवर सर्वाधिक परिणाम करीत आहे. अर्थव्यवस्थेच्या ढासळत्या स्थितीमुळे बर्‍याच कंपन्या एकतर मोठ्या प्रमाणात कर्मचार्‍यांची कपात करत आहेत किंवा त्यांना बिनपगारी सुट्टीवर पाठवत आहेत. नोकर्‍या नसल्यामुळे तसेच सध्याच्या संकटात नवीन संधी नसल्यामुळे बहुतेक लोकांसाठी घरे भाड्यापासून ते इतर महत्वाच्या गोष्टींसाठी पैशांची कमतरता आहे. अशा परिस्थितीत, बर्‍याच लोकांना निष्क्रिय किंवा बंद झालेल्या आपल्या बँक खात्यातून पैसे काढण्यात अडचणी येत आहेत.
जर आपणही अशा परिस्थितीचा सामना केला असेल तर आता काळजी करण्याची काहीच गरज नाही. आज आम्ही तुम्हाला केवायसीमार्फत पुन्हा एकदा आपले बंद झालेले बँक खाते कसे सुरू करू शकतो हे सांगणार आहोत.
बँकिंग क्षेत्रातील तज्ज्ञांचे म्हणणे आहे की, कोरोनाव्हायरस महामारी आणि लॉकडाऊनमुळे बँकांनी ग्राहकांना बर्‍याच सुविधा पुरविण्यास सुरुवात केली आहे. अशा कठीण परिस्थितीत लोकांना बँकिंग सेवा सुरळीतपणे मिळाव्यात यासाठी बँकांनी हे पाऊल उचलले आहे. बँका आता ग्राहकांना आपली निष्क्रिय खाती सुरु करण्याची संधी देत आहेत. यासाठी आपल्या जवळच्याच बँकेच्या शाखेशी संपर्क साधता येईल.
प्रक्रिया काय आहे?
यासाठीची प्रक्रिया अगदी सोपी आहे. आपल्याला फक्त संबंधित बँक शाखेला एक मेल पाठवायचा आहे. या मेलमध्ये आपण बँकेला विनंती कराल की, आपले निष्क्रिय बँक खाते पुन्हा रिएक्टिवेट केले जावे. यासाठी तुम्हाला तुमचे ओळखपत्र, पत्ता इ. चा पुरावा पाठवावा लागेल. आपला अर्ज पाठविल्यानंतर काही दिवसातच बँक आपले खाते पुन्हा रिएक्टिवेट करेल. मात्र, सध्या सायबर क्राइमच्या वाढत्या घटना लक्षात घेता बऱ्याच बँका या रिमोटली केवाईसी अपडेट करण्यास नकार देऊ शकतात.
अशा परिस्थितीत, खातेदारांनी बँकेच्या शाखेत जाऊन त्यांचे बंद खातेपुन्हा रिएक्टिवेट करावे अशी बँकांची इच्छा आहे. ज्येष्ठ नागरिकांना त्यांच्या स्वतःच्या शाखेत जावे लागेल. डोरस्टेप सर्विस देखील उपलब्ध आहे. यामध्ये संबंधित बँक अधिकारी ग्राहकांच्या घरी जाऊन केवायसी अपडेट करतात. एखादा खातेदार जर दुसर्‍या शहरात राहत असला तरीही, तो सध्याच्या भागात जवळच्याच बँकेच्या शाखेत जाऊन केवायसी अपडेट करू शकतो.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.
