हॅलो महाराष्ट्र ऑनलाईन । वेगाने वाढणार्‍या कोरोनाव्हायरसच्या संसर्गाच्या पार्श्वभूमीवर देशात एक चांगली बातमी येत आहे. सूत्रांच्या माहितीनुसार, देशात 15 ऑगस्ट रोजी COVAXIN लॉन्च होऊ शकेल. भारत बायोटेक ही औषधी कंपनी ही लस तयार करत आहे. आयसीएमआरने भारत बायोटेकला दिलेल्या अंतर्गत पत्रात असे म्हटले आहे की क्लिनिकल ट्रायलची प्रक्रिया लवकर पूर्ण करावी. त्याची सर्व मान्यता त्वरित घ्याव्यात आणि 7 जुलैपासून ट्रायलसाठी रजिस्ट्रेशन सुरू करावे. मात्र, भारत बायोटेकने सध्या यावर कोणतेही भाष्य करण्यास नकार दिला आहे.
आयसीएमआरच्या प्रवक्त्याने या पत्राची पुष्टी केली, परंतु त्यांच्या म्हणण्यानुसार भारत बायोटेकला पाठविले गेलेले हे पत्र त्यांच्या अंतर्गत प्रक्रियेचा एक भाग आहे आणि लसीच्या ट्रायलच्या प्रक्रियेला गती देण्यासाठी हे लिहिले गेले आहे. आयसीएमआरच्या या पत्रात असे म्हटले आहे की, सर्व तयारी पूर्ण झाल्यानंतर 7 जुलैपासून या लसीची ह्यूमन ट्रायल सुरू करावी, जेणेकरून ते लवकरात लवकर लॉन्च करता येईल. हे पत्र आयसीएमआर आणि सर्व स्टॉकहोल्डर्सनी (एम्सच्या डॉक्टरांसह) जारी केले आहे.
या पत्रानुसार, आयसीएमआरचे महासंचालक बलाराम भार्गव म्हणाले – “जर प्रत्येक टप्प्यात ट्रायल यशस्वी झाली तर 15 ऑगस्टपर्यंत सार्वजनिक आरोग्यासाठी असलेली ही COVAXIN लस मार्केटमध्ये येऊ शकते. यासाठी बीबीआयएल लक्ष्य पूर्ण करण्यात व्यस्त आहे. मात्र, फायनल रिझल्ट हे सर्व प्रकारच्या क्लिनिकल ट्रायलवर अवलंबून आहेत. याचा अंदाज सध्या आयसीएमआरने व्यक्त केला आहे. हैदराबाद येथील फार्मा कंपनी भारत बायोटेक या कंपनीने अलीकडेच दावा केला आहे की, या COVAXIN च्या फेज -१ आणि फेज -२ ह्यूमन ट्रायल नाही डीसीजीआयकडून ग्रीन सिग्नल मिळालेला आहे. जुलैच्या पहिल्याच आठवड्यात याच्या ट्रायलचे काम सुरू होईल, असे कंपनीने म्हटले आहे.
भारत बायोटेकने बर्‍याच मोठ्या आजारांवर लस तयार केली आहे
इंडिया बायोटेकमध्ये बनवलेली लस ही जगभरातील देशांमध्ये जाते. भारत बायोटेक कंपनीने यापूर्वी पोलिओ, रेबीज, चिकनगुनिया, जपानी एन्सेफलायटीस, रोटाव्हायरस आणि झिका विषाणूची लसदेखील विकसित केली आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.