जोहान्सबर्ग । दक्षिण आफ्रिकेत काही हिंदू पुजाऱ्यांवर कोविड -१९ मुळे मरण पावलेल्यांच्या अंत्यसंस्कारासाठी अतिरिक्त शुल्क मागितल्याचा आरोप केला गेला आहे. डर्बन येथील क्लेअर इस्टेट स्मशानभूमीचे व्यवस्थापक प्रदीप रामलाल यांनी असे करणाऱ्या पुजार्‍यांचा निषेध केला आहे. दक्षिण आफ्रिकेतील हिंदु धर्म असोसिएशनचे सदस्य रामलाल म्हणाले की कोविड -१९ मुळे अनेक कुटुंबातील नातेवाईक मरण पावले आहेत. अशा अनेक कुटुंबांकडून पुजार्‍यांकडून अतिरिक्त शुल्क घेतल्याच्या तक्रारी समोर आल्या आहेत. अलिकडच्याच आठवड्यांत, कोविड -१९ चा उद्रेक आणि व्हायरसच्या नवीन स्वरूपामुळे, कर्मचारी अंत्यसंस्काराच्या ठिकाणी दोन शिफ्टमध्ये कार्यरत आहेत. दक्षिण आफ्रिकेत भारतीय वंशाच्या लोकांची लोकसंख्या सुमारे 14 लाख आहे.
रामलाल विकली पेास्टला म्हणाले, ‘पुजारी अंत्यसंस्कारासाठी अधिक शुल्क आकारत आहेत, जे योग्य नाही. आमच्या शास्त्रानुसार, ही समाजाची सेवा आहे. एखाद्या कुटूंबाला पुजार्‍याला दान द्यायचे असेल तर ते ठीक आहे पण त्यासाठी पुजार्‍यांनी जास्तीचे शुल्क आकारू नये. ”त्यांनी समाजाला सांगितले की,” आजच्या कठीण परिस्थितीत त्यांनी असे शोषण टाळावे आणि स्वत: अंत्यसंस्कार करावेत, यासाठी ते रेकॉर्ड केलेला व्हिडिओची मदत घेऊ शकतात.
गेल्या दोन महिन्यांत दक्षिण आफ्रिकेत कोविड -१९ च्या घटना आणि संसर्गामुळे होणाऱ्या मृत्यूची संख्या खूप वेगाने वाढलेली आहे. आतापर्यंत येथे संसर्गाची 13 लाखाहूनही जास्त प्रकरणे नोंदली गेली आहेत आणि 39,501 लोक या संक्रमणामुळे बळी गेले आहेत. भारत पुढील महिन्यापर्यंत कोविड -१९ लसच्या 1.5 कोटींहून अधिक डोस पाठवणार आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.
