हॅलो महाराष्ट्र ऑनलाईन । कोविड -१९ साथीच्या काळात EPFO च्या सदस्यांमध्ये युनिफाइड मोबाइल अ‍ॅप्लिकेशन फॉर न्यू-एज गव्हर्नन्स (उमंग) खूप प्रभावी आणि लोकप्रिय होते आहे कारण त्यांना घरबसल्या कोणत्याही अडथळ्याशिवाय सेवा मिळत राहिल्या. सध्या कोणत्याही पीएफ सदस्याला त्याच्या मोबाईल फोनवर ‘उमंग अ‍ॅप’ चा वापर करून 16 वेगवेगळ्या EPFO च्या सेवा मिळू शकतात. या सेवा मिळविण्यासाठी EPFO मध्ये आपला अ‍ॅक्टिव्ह यूएएन नंबर आणि मोबाइल क्रमांक रजिस्टर करणे आवश्यक आहे. या उमंग अ‍ॅप वर ईपीएफओच्या सदस्य-केंद्रित सेवांचा कोविड -१९ साथीच्या काळात मोठ्या प्रमाणात वापर केला गेला. या उमंग अ‍ॅपवर आपण आपल्या क्लेमचा मागोवा देखील घेऊ शकता. याशिवाय तुम्ही तुमचा EPF पासबुक देखील चेक करू शकता.
उमंग अ‍ॅपद्वारे एकूण 11.27 लाख लोकांनी PF क्लेम केला आहे
एप्रिल ते जुलै 2020 या कालावधीत उमंग अ‍ॅपद्वारे एकूण 11.27 लाख क्लेम दाखल किंवा सबमिट केले गेले. डिसेंबर 2019 ते मार्च 2020 या कालावधीत कोविड -१९ पूर्वीच्या कालावधीपेक्षा हे प्रमाण 180 टक्के जास्त आहे कारण या काळात 3.97 लाख दावे या अ‍ॅपद्वारे सादर करण्यात आले. उमंग अ‍ॅपमुळे कोविड -१९ साथीच्या कालावधीत हालचालीवर बंदी असूनही सदस्यांना ईपीएफओच्या सेवा मिळविण्यात कोणतीही अडचण आली नाही. वास्तविक, या सुविधेमुळे ईपीएफओच्या कार्यालयात जाण्याची गरज कमी झाली.
उमंग अ‍ॅपद्वारे पैसे काढण्याची प्रक्रिया
उमंग अ‍ॅपद्वारे कर्मचार्‍यांना त्यांच्या पीएफ खात्यातील शिल्लक देखील माहिती होऊ शकते. उमंग हे एक सरकारी अ‍ॅप आहे, त्यात विविध सरकारी योजनांशी संबंधित सुविधा आहेत. या अ‍ॅपवर कर्मचार्‍यास पहिले त्यांच्या फोन नंबरद्वारे रजिस्ट्रेशन करावे लागेल. यानंतर, या अ‍ॅपद्वारे ते त्यांचे ईपीएफ पासबुक चेक करू शकतात. तसेच, क्लेम देखील येथे लागू केला जाऊ शकतो आणि आपला क्लेम देखील मागितला जाऊ शकतो.
उमंग अ‍ॅप चे बरेच फायदे
या अ‍ॅपद्वारे आपण कर्मचारी भविष्य निर्वाह निधी (ईपीएफ), पॅन, आधार, डिजीलॉकर, गॅस बुकिंग, मोबाइल आणि वीज बिल भरणा इत्यादी सुविधांचा लाभ घेऊ शकता. या अ‍ॅपच्या माध्यमातून तुम्ही ईपीएफमध्ये तुमची डिपॉझिट तपासू शकता. मात्र, यासाठी आपल्याकडे अ‍ॅक्टिव्ह यूएएन (युनिव्हर्सल अकाउंट नंबर) असणे आवश्यक आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.