३९ हजार रुग्ण असताना दारूची दुकाने उघडली ! याला म्हणतात खतरों के खिलाडी…

मुंबई |५५० करोनाग्रस्त रुग्ण होते, तेव्हा लॉकडाऊन केल. आणि आता ३९ हजार रुग्ण आहेत, तेव्हा दारुची दुकानं सुरु करण्यात आली आहेत. यालाच म्हणतात खतरों के खिलाडी अस ट्विट करत अभिनेता एजाज खान याने सरकारचा समाचार घेतला आहे. सध्या करोनाग्रस्त रुग्णांनी थैमान घातलं आहे. त्यात आता लोक दारुसाठी दुकानासमोर गर्दी करत आहेत. ही गर्दी करणे देखील धोकादायकच आहे. त्यामुळे एजाज खान याने हे ट्विट केलं आहे.

दरम्यान करोना विषाणूचा वाढता प्रादुर्भाव लक्षात घेता देशभरातील लॉकडाउन आणखी काही दिवसांसाठी वाढवण्यात आला आहे. मात्र या वाढीव लॉकडाउनमध्ये दारुची दुकानं सुरु करण्यासाठी सरकारने परवानगी दिली आहे. ही दुकानं सुरु होताच दारु खरेदीसाठी लोकांनी गर्दी केली.

बाहेर असणाऱ्या जीवघेण्या विषाणूला न घाबरता दारुसाठी गर्दी करणाऱ्या या लोकांना अभिनेता एजाज खान याने ‘खतरों के खिलाडी’ असं म्हटलं आहे. एजाज खान सोशल मीडियावर कायम सक्रिय असतो. समाजात घडणाऱ्या विविध घडामोडिंवर तो बिनधास्तपणे आपल मत मांडत असतो. अलिकडेच केलेल्या एका ट्विटमुळे त्याला पोलिसांनी अटक देखील केली होती. या पार्श्वभूमीवर त्याचे हे ट्विट सध्या सोशल मीडियावर सर्वांचेच लक्ष वेधत आहे.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.

 

You might also like