Sunday, January 29, 2023

WHO ची चेतावणी; ज्या देशात कमी झाले संक्रमण तिथे पुन्हा वाढणार कोरोना रुग्णांची संख्या

- Advertisement -

हॅलो महाराष्ट्र ऑनलाईन । जागतिक आरोग्य संघटनेने सोमवारी म्हटले आहे की,’ ज्या देशांमध्ये कोरोना विषाणूची लागण होण्याचे प्रमाण कमी होत आहे, तेथे या रोगाचा प्रादुर्भाव रोखण्यासाठी त्वरित उपाययोजना न केल्यास, कोरोना रूग्णांची संख्या पुन्हा वाढण्याची शक्यता आहे. डब्ल्यूएचओचे प्रमुख डॉक्टर माईक रायन यांनी आपल्या ऑनलाइन ब्रीफिंगमध्ये सांगितले की,’ संपूर्ण जग हे अजूनही कोरोना विषाणूचा प्रादुर्भाव होण्याच्या पहिल्या टप्प्यामध्येच आहे.

ते म्हणाले की,’ बर्‍याच देशांमध्ये या संसर्गाची प्रकरणे कमी कमी होत आहेत, मात्र असे असूनही मध्य आणि दक्षिण अमेरिका, दक्षिण आशिया आणि आफ्रिका या देशांमध्ये कोरोनाची प्रकरणे दिवसेंदिवस वाढतच आहेत. रायन म्हणाले की,’ य साथीच्या रोगाचा प्रादुर्भाव बर्‍याचदा अनेक लाटांमध्ये येतो, म्हणजे याचा उद्रेक पुन्हा अशा ठिकाणी होऊ शकतो जेथे की पहिल्यांदा ही लाट थांबली होती. अशीही एक शक्यता आहे की, जर ही पहिली लाट थांबविण्यासाठीच्या उपाययोजना लवकर केल्या गेल्या नाहीत, तर पुन्हा या संक्रमणाचे प्रमाण वेगाने वाढू शकते.

- Advertisement -

अनेक देशांमध्ये कोविड -१९ चा संभाव्य उपचार म्हणून हायड्रॉक्सीक्लोरोक्विनचा वापर केला जात आहे. मात्र वर्ल्ड हेल्थ ऑर्गनायझेशनने खबरदारी म्हणून याच्या क्लिनिकल चाचण्या या तात्पुरत्या स्थगित केल्या आहेत. संघटनेचे प्रमुख टेड्रॉस एडॅनॉम गेब्रिझ यांनी सोमवारी एका ऑनलाइन पत्रकार परिषदेत सांगितले की,’ लॅन्सेटमध्ये याविषयीच्या अभ्यासाच्या झालेल्या प्रकाशनानंतर हा निर्णय घेण्यात आला आहे. कोवीड -१९ च्या रूग्णांवर मलेरियाविरोधी औषधे वापरल्याने त्यांचा मृत्यू होण्याची शक्यता वाढू शकते असे या अभ्यासामध्ये नमूद केले आहे.

टेड्रोस म्हणाले की, ‘ या तथाकथित सॉलिडॅरिटी ट्रायल वर्किंग ग्रुपने खबरदारीचा म्हणून हायड्रॉक्सीक्लोरोक्विन औषधाचा वापर करणे बंद केले आहे. कोरोना विषाणूच्या संभाव्य उपचारांसाठी रूग्णांची चाचणी घेण्यासाठी अनेक देशातील रुग्णालयांनी या कार्य गटाला नामांकित केले आहे. टेड्रोस म्हणाले की,’ डेटा प्रोटेक्शन मॉनिटरींग बोर्डाद्वारे सुरक्षा डेटाचा आढावा सध्या घेण्यात येतो आहे. मात्र तोपर्यंत या गटाने सॉलिडॅरिटी चाचणीत हायड्रॉक्सीक्लोरिकिनचा वापर करणे तात्पुरते थांबविले आहे.

इतर औषधांची चाचणी ही सुरूच ठेवावी असा आग्रहही त्यांनी धरला आहे. हायड्रोक्सीक्लोरोक्वीनचा वापर सामान्यत: संधिवातावर उपचार करण्यासाठी केला जातो, मात्र अमेरिकेचे अध्यक्ष डोनाल्ड ट्रम्प यांच्यासह अनेक मोठ्या व्यक्तींनी आपण ते औषध घेत असल्याची घोषणा केली. म्हणूनच, अनेक देश हे औषध विकत घेण्यास प्रेरित झाले. ब्राझीलच्या आरोग्यमंत्र्यांनीही गेल्याच आठवड्यात कोविड -१९ च्या कमी गंभीर प्रकरणांमध्ये हायड्रॉक्सीक्लोरोक्विन तसेच अँटी-मलेरियल क्लोरोक्विन वापरण्याची शिफारस केली होती.

लॅन्सेटच्या अभ्यासानुसार असे आढळले आहे की,’ दोन्ही औषधांचे संभाव्य गंभीर दुष्परिणाम होऊ शकतात, विशेषतः हृदय रोग. एका लॅन्सेट अभ्यासानुसार शेकडो रुग्णालयांमधील ९६००० रुग्णांचे रेकॉर्ड पाहिल्यानंतर असे आढळले की,’कोविड -१९ च्या रूग्णांमध्ये दोन्ही औषधांचा काहीच फायदा झाला नाही.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.