मुंबई | राज्याचे सामाजिक न्याय मंत्री आणि राष्ट्रवादी काँग्रेस पक्षाचे नेते धनंजय मुंडे यांचा कोरना अहवाल पोझिटिव्ह आला आहे. याबाबत आता राज्याचे आरोग्यमंत्री राजेश टोपे यांनीही पुष्टी दिली आहे. मुंडे हे कोरोना पोझिटिव्ह आलेले आहेत. त्यांचे दोन रिपोर्ट केलेले. त्यातील एक रिपोर्ट पोझिटिव्ह तर दुसरा निगेटिव्ह आला. ब्रिच कँडीमध्ये एडमिट करणार आहोत. ते तसे फायटर आहेत. त्यामुळे ते लवकरच कोरोनावर मात करतील असा विश्वासही टोपे यांनी व्यक्त केला.
धनंजय मुंडे हे बुधवारी झालेल्या मंत्रीमंडळ बैठकीला होते. राष्ट्रवादी काँग्रेसच्या वर्धापण कार्यक्रमालाही होते. मात्र सर्व बैठकी सोशल डिस्टंसिंग ठेऊनच झालेल्या आहेत. अजित दादांच्या कडक शिस्तिमुळे मंत्रीमंडळाच्या बैठकीलाही सोशल डिस्टंसिंग ठेवले जाते. त्यामुळे चिंतेचे कारण नाही. जर कोणाला तशी लक्षणे जाणवली तर त्याची चाचणी घेण्यात येईल अशी माहितीही टोपे यांनी दिली.
आमचा वर्धापण दिनाचा कार्यक्रमही पाच मिनिटांचाच झाला. तसेच झेडावंदनाच्या कार्यक्रमालाही सोशल डिस्टंसिंग ठेवण्यात आलेले होते. असे टोपे यांनी सांगितले. तसेच धनंजय मुंडे यांचा कुक, पीए, ड्रायव्हर यांना प्रथम कोरोनाची लागण झाली आणि त्यांच्यामुळे मुंडे यांना कोरोना झाला असावा अशी शक्यता राजेश टोपे यांनी व्यक्त केली.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.